ES-forsetin við Zelenskyj: Tú kanst altíð rokna við okkum

ES-forsetin við Zelenskyj: Tú kanst altíð rokna við okkum
Ukrainski forsetin fekk hjartaliga móttøku, tá hann kom á ES-toppfundin í dag
Antonio Costa, ES-forseti, Zelenskyj, forseti í Ukraina, og Ursula von der Leyen, forkvinna í ES-nevndini, á toppfundi í Brússel.
Mynd: Nicolas Tucat/AFP/Ritzau Scanpix  
 
16.10.2026 - 14:31

Stuðulin úr ES til Ukraina er størri enn nakrantíð, sigur forsetin í ES, Antonio Costa. 

- Tú kanst altíð rokna við okkum. Ja, vit mugu hækka stuðulin og leggja størri trýst á Russland, segði Costa.

Ukrainski forsetin, Volodymyr Zelenskyy, fekk hjartaliga móttøku frá Costa og leiðaranum í ES-nevndini, Ursulu von der Leyen, tá hann kom á ES-toppfundin fyrrapartin.

 

Fleiri tiltøk setast í verk

ES boðar nú frá nýggjum tiltøkum móti Russlandi.

Forkvinnan í ES-nevndini, Ursula Von der Leyen, boðar frá nýggjum pakka við revsitiltøkum - hetta er 22. revsipakkin móti Russlandi.

- Eitt er púra greitt: Vit strika eingi revsitiltøk, fyrr enn Russland steðgar hesum krígnum, staðfestir Ursula von der Leyen.

Á toppfundinum í dag fer ES at umrøða fíggjartørvin hjá Ukraina bæði í ár og næsta ár, sambært von der Leyen.

 


Zelenskyj er á toppfundi í ES. (Mynd: Ludovic Marin/AFP/Ritzau Scanpix)

 

Biður um hjálp at klára veturin

Zelensky biður ES um hjálp til at klára harða veturin, sum stendur fyri durum.

- Vit síggja eingi tekin frá russiskari síðu um, at teir vilja steðga krígnum. Nú mugu vit fyrireika okkum til veturin. Tað snýr seg um orkuveiting, men ikki bara tað. Vit hava eisini tørv á loftverju, sigur Zelensky, sambært NTB.

Er kopiera
Nýggjastu sendingar í ÚV
Mikudag 11. november
Dansival 11 nov 2026
216272
Mikudag 11. november
Vágskálin: Millum veruleika og óveruleika
215895
Mikudag 11. november
Skratsj 11. novembur 2026
216266
Mikudag 11. november
Mono - 90'ini undir lupp (2:4)
216264
Mikudag 11. november
Eg kendi meg sum greinina
216035
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Týsdag 10. november
Veðrið
216210
Mánadag 9. november
Veðrið
216154
Sunnudag 8. november
Bygdarlív 3 - Skálavík
216096