Tíðarinnar bakspegil

Tíðarinnar bakspegil: 1973, annar partur

Sat, 13 Aug 2022 14:55:00 GMT

Ódnarveðrið um landið hevur eitt nú við sær, at stórur partur av tekjuni á nýggju telefonstøðini í Klaksvík fer av, oljukreppan rakar Føroyar, teir 9 cubatrolararnir koma til Føroya, og eldur kemur í Magnus Heinason. Vit umrøða hesar og fleiri aðrar hendingar frá 1973, við forkunnugum brotum úr søgusavni kringvarpsins eins og nýggjum samrøðum. Eisini verða nakrir av best dámdu sangunum frá 1973 at hoyra.

Tíðarinnar bakspegil: 1973, fyrri partur

Sat, 13 Aug 2022 14:54:00 GMT

Hesir eru millum hendingarnar, vit umrøða í hesi fyrru sendingini um árið 1973.

Tíðarinnar bakspegil Special: Um árið 2012

Sun, 20 Jan 2013 16:07:52 GMT

Eisini føroyska arkitekturárið verður viðgjørt. Vit vitja Boðanesheimið, Heimið á Grønanesi í Vestmanna, nýggju vegagerðina og bátahylin í Leirvík, eins og vit umrøða útbyggingina av skúlanum hjá Dugna við Áir, útbyggingina hjá Varðin Pelagic á Tvøroyri, Saltsiloverkætlanina, og Marknagilsdepilin út frá arkitektoniska sjónarhorninum.

Tíðarinnar bakspegil: Um árið 1982

Sun, 16 Dec 2012 15:05:00 GMT

Av øðrum hendingum, ið verða umrøddar í hesari sendingini um árið 1982, er eitt nú at politiska støðan er sera spent, svimjihøllin í Havn verður tikin í nýtslu, hvønn týdning nýggju útvarpshúsini hava havt fyri útvarpsskránnað og sendingarnar, nú seinra byggistig verður tikið í nýtslu í 1982, og Per á Hædd fer til verka sum reklamufotografur. Í sendingini hoyra vit Johnsigurd Johannesen, Hilmar Kass, Jógvan Sundstein, Paula Ellefsen, Mikkjal Olsen, Martin Mouritsen, Leif Láadal, Per á Hædd, Niels Juel Arge, Petur Frederik Rosing, Jógvan Arge, Karin Joensen, Gunnar Hoydal, Christian Risager, Birgir Enni, eins og brot úr einari ørgrinnu av útvarpssendingum frá áttati- og nítiárunum, alt kryddað við tónleikabitum frá 1982. Samrøðurnar við Mikkjal Olsen, Per á Hædd, Jógvan Arge, og Birgir Enni kunnu hoyrast í fullari longd á longdu og serligu netvarpsútgávuni av hesari sending. Umframt frásøgnina í hesari sending, her greitt verður frá um hendingina, tá Sigurfarið bjargaði sovjetisku sjómonnunum, sigur Mikkjal Olsen í netvarpsútgávuni eisini frá um tá eldur kom í Sigurfarið dagin eftir skipið varð komið á Klaksvík, um tá tríggjir av sovjetisku sjómonnunum vitjaðu í Føroyum í 2003, og um orsøkina, ið hevur verið nevnd sum grundgeving fyri at sovjetisku sjófólkini ikki vildu fara av skipinum.

Tíðarinnar bakspegil: 1982, netvarpsútgáva við eykatilfari

Sun, 16 Dec 2012 14:20:00 GMT

Í serligu netvarpsútgávuni fáa vit samrøðurnar við Mikkjal Olsen, skipara á Sigurfarinum, Per á Hædd, myndamann, Jógvan Arge, útvarpsmann, og Birgir Enni, stigtakara til fyrstu føroyskt framleiddu vindmylluna, í fullari longd.Umframt frásøgnina, um tá Sigurfarið bjargaði sovjetisku sjómonnunum, sigur Mikkjal eisini frá um tá eldur kom í Sigurfarið dagin eftir skipið varð komið á Klaksvík, um tá tríggjir av sovjetisku sjómonnunum vitjaðu í Føroyum í 2003, og um orsøkina, ið hevur verið nevnd sum grundgevingin fyri at sovjetisku sjófólkini ikki vildu fara av skipinum.Eisini eru eitt nú fleiri stutt tíðindabrot um fiski- og sjóvinnu í 1982, eins og ein stutt frásøgn um harðmæltar menn, tá grindaformaður skuldi veljast í Havn.Av øðrum hendingum, ið verða umrøddar í hesari sendingini um árið 1982, er eitt nú at politiska støðan er sera spent, svimjihøllin í Havn verður tikin í nýtslu, hvønn týdning nýggju útvarpshúsini hava havt fyri útvarpsskránna og sendingarnar, nú seinra byggistig verður tikið í nýtslu í 1982, og Per á Hædd fer til verka sum reklamufotografur.Í sendingini hoyra vit Johnsigurd Johannesen, Hilmar Kass, Jógvan Sundstein, Paula Ellefsen, Óla Breckmann, Mikkjal Olsen, Jógvan Ranghamar, Trygva Johansen, Poul Mohr, Birgir Danielsen, Martin Mouritsen, Leif Láadal, Per á Hædd, Niels Juel Arge, Petur Frederik Rosing, Jógvan Arge, Karin Joensen, Gunnar Hoydal, Christian Risager, Birgir Enni, eins og brot úr einari ørgrinnu av útvarpssendingum frá áttati- og nítiárunum, alt kryddað við tónleikabitum frá 1982.

Tíðarinnar bakspegil: 1981, netvarpsútgáva

Sun, 2 Dec 2012 17:18:13 GMT

Av øðrum hendingum, ið verða umrøddar í hesari sendingini um árið 1981, er eitt nú støðan í millumlandasiglingina, nú vetrarsiglingin hjá Smyrli heldur uppat, Sjómannafelagið verður stovnað, farið verður undir royndarflúgving við tyrlu, Meginfelag teirra Brekaðu í Føroyum verður stovnað, musikkapping millum popbólkar er í SMS, og gongugøtan í Havn verður umrødd. Vit hoyra Ronald Reagan, Sigmund Poulsen, Johnsigurd Johannesen, Jógvan Jespersen, Jógvan Sundstein, Paula Ellefsen, Atla Dam, Erlend Patursson, Juel Jacobsen, Jacob Lindenskov, Asbjørn Joensen, Adolf Hansen, Olaf Olsen, Tummas Arabo,
Jóan Paula Sørensen, Albert Mortensen, Dánjal Jákup Jacobsen, Irinu Joensen,
Atla Jensen, Jón Rasmussen, Herman Winther, Páll Horn, Agga í Garðastovu, Karl Andreasen, Birgir Danielsen, Paula Reinert Hansen, Árna Olafsson, Jákup Sverra Joensen, Mogens Markussen, Kjartan Hoydal, Tony Strøm, Jórun Eið, Boga Godtfred, Poul Michelsen, Gissur Patursson, Lise Østergaard, Niels Juel Arge, Vagnur Michelsen, Caritu Bjørklund, og Barbaru á Tjaldrafløtti.

Tíðarinnar bakspegil: Um árið 1981

Sun, 2 Dec 2012 15:07:07 GMT

Av øðrum hendingum, ið verða umrøddar í hesari sendingini um árið 1981, eru eitt nú støðan í millumlandasiglingina, nú vetrarsiglingin hjá Smyrli heldur upp at, Sjómannafelagið verður stovnað, farið verður undir royndarflúgving við tyrlu, Meginfelag teirra Brekaðu í Føroyum verður stovnað, musikkapping millum popbólkar er í SMS, og gongugøtan í Havn verður umrødd.

Tíðarinnar bakspegil: Triðja sending um árið 1980

Sun, 25 Nov 2012 15:08:49 GMT

Av øðrum hendingum, ið verða umrøddar í hesari sendingini um búskap og vinnulív í 1980, eru marknaðaútlitini fyri føroyskum fiskaútfluttningi, nýggja ísvirkið hjá Bacalao, roykivirkið Samfisk í Havn, nýggja flakavirkið á Strondum, og ein ørgrinna av tíðindastubbum um føroyska fiskivinnu og vinnulív ? alt kryddað við góðum tónleikabitum vit minnast frá 1980. Vit hoyra Johnsigurd Johannesen, Kristionnu Jespersen, Leiv Hansen, Jógvan Jespersen, Jógvan Sundstein, Niels Skak Nielsen, Birgir Danielsen, Heðin Klein, Arna Poulsen, Marner Simonsen, Sandur Danielsen, Trygva Johansen, Svend Thulesen, Óla Jacobsen, Ture Samuelsen, Kjartan Hoydal, Svend Aaga Ellefsen, Ludvíg Ryggstein, og Knút Háberg.

Tíðarinnar bakspegil: Onnur sending um árið 1980

Sun, 18 Nov 2012 15:09:24 GMT

Av øðrum hendingum, ið verða umrøddar í hesari sendingini um 1980, kunnu nevnast nýggja skúlalóggávan, Hoyvíkar Skúli og Eysturskúlin verða vígdir, útvarpshúsið verður reist, og umrøðan av sjúkrahús- og røktarheimi í Klaksvík.

Tíðarinnar bakspegil: Fyrra sending um árið 1980

Fri, 16 Nov 2012 20:22:54 GMT

Við upptøkum úr søgusavni kringvarpsins lýsa vit politisku støðuna í 1980, eins og Jógvan Sundstein úr Fólkaflokkinum, og Vilhelm Johannesen úr Javnaðarflokkinum taka saman um politisku støðuna í 1980. Millum hendingarnar eru eisini at føroysku bryggjaríini nú kunnu bryggja sterkt øl, Mjólkavirki Búnaðarmanna fer undir mjólkaframleiðslu, og bygda- og býráðsval er um landið. Vit hoyra Jógvan Sundstein, Vilhelm Johannesen, Atla Dam, Erlend Paturson, Hergeir Nielsen, Paula Ellefsen, Hilmar Kass, Adolf Hansen, Tummas Arabo, Eirik Thorvalsson, Dánjal Thomsen, Finnboga Niclasen, Christian Hansen, Líggjas Eliasen, Óla Hansen, Petur Jacobsen, Jógvan við Keldu, Martin Olsen, og Steintór Larsen.

Tíðarinnar bakspegil: Seinra sending um árið 1979

Sun, 4 Nov 2012 15:09:41 GMT

Eisini taka vit saman um mótan í sjeytiárunum, eins og vit eitt nú minnast alsamt vaksandi olju- og benzinprísirnar, tjakið um vatnorkuútbyggingarnar hjá SEV, trupuleikarnar í føroysku fiskivinnuni, og yvirtøkuna av føroysku skúlaumsitingini. Vit hoyra nýggjar samrøður við Katrinu í Geil, Bjørg Nolsøe, Sigrun Vágstún, og Edward Fuglø, og úr søgusavni kringvarpsins hoyra vit millum onnur Poul Mohr, Ingun Joensen, Essa Arge, Dánjal Paula Danielsen, Hjarnar Djurhuus, Asbjørn Joensen, Tormóður Dahl, Finnur Lützen, Olaf Olsen, Heðin Klein, Hans Mortensen, Ernst Hansen, Napoleon Hansen, Janus Norðberg, Ludvíg Petersen, Leif Groth, Hergeir Nielsen, Dorthe Bennitsen, Jógvan Olsen, Jákup Olsen, Karl Erik Mortensen, Sannu Dahl Niclasen, Klaus Hermann, Olivur Næss, Paula Ellefsen, Jacob Lindenskov, Vilhelm Johannesen, Niels Juel Arge, Margrethu Drottning, og Atla Dam.

Tíðarinnar bakspegil: Fyrra sending um árið 1979

Sun, 28 Oct 2012 15:06:10 GMT

Millumlandasiglingin hjá Smyrli setur kílar í landsstýrisamstarvið millum Javnaðarflokkin, Fólkaflokkin og Tjóðveldisflokkin í 1979, og suðuroyingar mótmæla at Smyril verður tikin úr suðuroyarsiglingin á sumri. Eitt úrslit av mótmælunum er, at skjóttgangandi norski katamaranurin Hornøy verður leigaður úr Noregi á sumri 1979. Aðrar hendingar, ið verða umrøddar, eru eitt nú altjóða barnaárið 1979, stórkavarnir í februar og mai, upptøkurnar við popbólkinum Hjarnar í november 1979, og vit minnast listarmannin Sámal Joensen Mikines, ið andaðist 21. september 1979, 73 ára gamal.

Tíðarinnar bakspegil: Seinra sending um árið 1978

Fri, 19 Oct 2012 17:57:46 GMT

Eisini frætta vit eitt nú um nýggja virkið Tórplast í Vestmanna, útbygging á Aluplast í Gøtu, fyrireiking til bygging av vardum verkstaði á Argjum, Dalenni fer av bakkastokki á Tórshavnar Skipasmiðju, Støðisútbúgvingin ger kanningar av geislavirkni í Føroyum, og fyrireikingar til yvirtøku av skúlaumsitingini.

Tíðarinnar bakspegil: Fyrra sending um árið 1978

Sun, 14 Oct 2012 16:07:41 GMT

Í 1978 fáa vit nýggja ferðslulóg og kunnu koyra skjótari, tey 150 rituvíksneytini fáa ikki innflutningsloyvi, og nú er farið undir fyrireikingarnar til nýtt útvarpshús og Norðurlandahúsið. Hesar eru millum hendingarnar, ið verða umrøddar í fyrru sendingini um árið 1978.

Tíðarinnar bakspegil: 1970 - netvarpsútgáva

Tue, 9 Oct 2012 12:41:00 GMT

Í 1970 lækkar valrætturin til løgtingsvalið niður í 20 ár og hetta er eisini fyrsta valið, har persónliga atkvøðutalið skal vera avgerandi fyri, hvør á einum lista verður valdur. Hetta er eisini árið ítróttarhøllin á Hálsi í Havn verður vígd, og Dave Christian, ið er útvarpsvertur á Radio Luxembourg, vitjar í Føroyum.

Tíðarinnar bakspegil: 1970

Sun, 7 Oct 2012 17:11:00 GMT

Tíðarinnar bakspegil: 1977, seinri partur

Tue, 5 Jun 2012 18:07:55 GMT

Fleiri nýggj skip koma eisini í føroyska flotan, teirra millum trolbáturin Margretha, rækjutrolararnir Orion og Sólborg, og ísfiskatrolarin Suðringur. Eisini hoyra vit um eldsbrunan umborð á V. U. Hammershaimb, eins og tá Star Firth fullfermd við eldgosøsku úr Íslandi fær ein sjógv. Í 1977 er ætlanin at leingja flogvøllin vesturi í Vágum, Tórshavnar Skipasmiðja skal byggja nýggja Ternu, Trolvirkið Vónin í Fuglafirði byggjur út, og á Oyrabakka verður tvær nýggjar føroyskar maskinur vístar fram: Ein kjálkaskerimaskina og ein agnmaskina. Úr søgusavni kringvarpsins hoyra vit eitt nú Jóhan Niclasen, Jákup Haraldsen, Marjun Tummasarson, Niels Thomsen, Ásu Højgaard, Jóannes Jacobsen, Finnboga Hansen, Eiler Jacobsen, Petur Nolsøe, Mortan Johannesen, Atla á Plógv, Eyðbjørn Lervik, Finnboga Ísakson, Olaf Olsen, Poul Mohr, Fritleif Joensen, Jóhan Jacobsen, Trónd Sørensen, og Jens Erik Nielsen.

Tíðarinnar bakspegil: 1977, fyrri partur

Wed, 30 May 2012 07:04:02 GMT

1977 er eisini árið sjónleikarbólkurin Gríma verður stovnaður, Pat Boone hevur tvær konsertir í Føroyum, Elvis Presley doyr, húðabáturin St. Brendan kemur til USA, fiskimarkið verður flutt út á 200 fjórðingar, og Føroyar gera fiskiveiðusáttmála við Sovjetsamveldið. Úr søgusavni kringvarpsins hoyra vit eitt nú Alexander Isjkov, Trónd Paturson, Lenu Johannesen, Gullberg Gullfoss, Onnu Berg, Jóhannes Olsen, Albert Isfeld, Mortan Nolsøe, Gøsta Berg, Heinrich Töpfe, Eyðun Johannesen, og Pat Boone.

Tíðarinnar bakspegil: 1974, seinri partur

Tue, 22 May 2012 20:42:00 GMT

1974 er árið Matur og matgerð kemur út, og Sigrid Dalsgaard, húsarhaldslærari, ummælur bókina. Hetta er eisini árið vit fáa Tíðindablaðið; Barna- og unglingarithøvundastevna verður hildin í Hoydølum; nýtt havnalag verður tikið í nýtslu í Runavík; svimjihøll er bygd í Klaksvík; og gøtuófriður er í Havn. Hesar og nógvar aðrar hendingar verða lýstar í hesu seinri sendingini um árið 1974. Úr søgusavni kringvarpsins hoyra vit eitt nú Finnboga Ísakson, Atla Dam, Jákup Lamhauge, Frederik Olsen, Hans Jacobsen, Óla Dahl, Birgir Danielsen og Hjalgrím Magnussen, eins og nýggjar samrøður við Jørgen Dahl og Archibald Black úr klaksvíksbólkinum Straight Ahead.

Tíðarinnar bakspegil: 1976, seinri partur

Tue, 15 May 2012 18:10:00 GMT

1976 er eisini árið farið verður undir at byggja SMS í Havn og Vakstrarhúsið í Sandavági, eins og nýggi Skúlin á Trøðni, í Runavík og í Kvívík verða tiknir í nýtslu. Hetta er eisini árið legendariska orkestrið Goggan spælur til dans fyri seinastu ferð, stór mentanarstevna verður hildin í Føroyum, stóra skótalegan við Leynavatn skolar burtur í grimdaregni, Olympisku Summarleikirnir eru í Montreal í Canada, og maður, ið løgreglan steðgar fyri rúsdrekkakoyring, koyrir avstað við einum politisti hangandi í bilinum. Úr søgusavni kringvarpsins hoyra vit eitt nú Trónd Patursson, Svend Thulesen, John Richard Klakkstein, Trygva Laksafoss, Hallur Laksafoss, Roland Thomsen, Ditlev Olsen, Andrias Thomsen, Albert Isfeld, Hans Mortensen, og Kára á Lofti, eins og nýggjar samrøður við Even Skaalum og Gunnar Hoydal.

Tíðarinnar bakspegil: 1976, fyrri partur

Tue, 8 May 2012 18:08:00 GMT

1976 er eisini árið Sundaferjan verður seld til Danmarkar, Eysturoyartunnilin verður alment tikin í nýtslu, Leynatunnilin verður skotin ígjøgnum, og Polarborg II verður jagstrað av bretskum sleipibáti undir Íslandi. Hesar og aðrar hendingar verða lýstar í hesu fyrru sendingini um árið 1976. Úr søgusavni kringvarpsins hoyra vit eitt nú Finnboga Ísakson, Atla Dam, Dánial Paula Danielsen, Petur Reinert, Mikkjal Helmsdal, Jógvan Nolsøe og Frimodt Poulsen.

Tíðarinnar bakspegil: 1974, fyrri partur

Tue, 24 Apr 2012 20:35:00 GMT

Fleiri nýggj skip koma til landið, Føroya Eggvirkið í Rituvík er sera virkið, Føroya Fólkaháskúli rundar 75 ár, Felagsskúlin á Oyrabakka verður tikin í nýtslu, farið verður undir HF-skeið um landið, og Tekniski Skúlin í Havn fer undir TA og TF skeið. Úr søgusavni kringvarpsins hoyra vit eitt nú Steinbjørn B. Jacobsen, Elin Henriksen, Jógvan Mørkøre, Petur Martin Rasmussen, Sven Thulesen, Meinhard Djurhuus, Líggjas Joensen, Sigurd Simonsen, Ólav Gregersen og Tummas Arabo. Eisini hoyra vit nýggjar samrøður við Poul Mohr og Hilmar Kass.

Tíðarinnar bakspegil: 1992, seinri partur

Tue, 17 Apr 2012 18:09:30 GMT

Hesar og fleiri hendingar verða umrøddar í hesari seinru sendingini um 1992. Eitt nú verður undirgrundin yvirtikin, Sunnleif Rasmussen fær Sonning virðislønina, Jøkul fær ein sjógv, maður gerst frá sær sjálvum við øks umborð á Lómi, ófriður er í miðbýnum í Havn, og Náttarravnarnir fara á flog á fyrsta sinni? Úr søgusavni kringvarpsins hoyra vit samrøður við eitt nú Jógvan Sundstein, Atla Dam, Jóannes Dalsgaard, Maritu Petersen, Dagmar Joensen, Anfinn Kallsberg og Jørgen Niclasen.

Tíðarinnar bakspegil: 1992, fyrri partur

Fri, 13 Apr 2012 15:45:41 GMT

Búskaparkreppan setur eisini nýggj krøv til fiskivinnuna, og saman við Bjarta Mohr, ið var stjóri í Føroya Fiskasølu og Føroya Fiskavirking, og Helga Jacobsen, tíðindamanni, taka vit saman um føroyska fiskivinnu í 90?unum. Úr søgusavni kringvarpsins hoyra vit eisini samrøður við eitt nú Jógvan Sundstein, Atla Dam, Steingrím Nielsen, Sigurd Poulsen, Tage Benjaminsen, eins og vit fáa nýggjar samrøður við Jógvan Sundstein, Bjarta Mohr og Helga Jacobsen.

Tíðarinnar bakspegil: 1991, 2 (2)

Tue, 20 Mar 2012 17:11:00 GMT

Av øðrum hendingum, ið verða umrøddar, eru eitt nú sakarmálið móti Maxim og Rio Bravo, arbeiðið við nýggjari rúsdrekkalóg, arbeiðsloysi, Nicolaj Popov, ið flýggjar av russiska skipinum Sevryba, og Flógvakríggið.

Tíðarinnar bakspegil: 1991, 1 (2)

Tue, 13 Mar 2012 17:07:00 GMT

Av øðrum hendingum, ið verða umrøddar, eru eitt nú at nýggja telefonuppboðssølan hjá Lønjavningargrunninum fer at virka, innbrotið á deildini hjá Føroya Sparikassa í Skopun, eldurin í Faroe Marine í Hvalvík, fløgan Amnesty tónar, og at grasvøllurin á Svangaskarði alment verður tikin í nýtslu.

Tíðarinnar bakspegil: 1990, 2 (2)

Tue, 6 Mar 2012 18:05:00 GMT

Nevnast kunnu eisini hendingar sum at nýggi Handilsskúlin á Kambsdali, nýggi bygningurin hjá Fiskirannsóknarstovuni, og nýggi millumbylgjusendarin hjá Útvarpi Føroya verða tiknir í nýtslu.Osmundur Justinussen fær tveir nýggjar trolarar, ið leggja seg eftir betri góðskaðum fiski, eldur er í umborð á Ennibergi, Heldarstindur søkkur, og samgongan millum Fólka-, Sambands- og Tjóðveldisflokkin slitnar.

Tíðarinnar bakspegil: 1990, 1 (2)

Tue, 28 Feb 2012 17:07:00 GMT

Hesar og aðrar hendingar frá 1990 verða umrøddar í hesu fyrri sendingini um árið 1990, vælkryddað við tónleiki frá umrødda ári.

Tíðarinnar bakspegil: 1967

Tue, 21 Feb 2012 17:08:00 GMT

Hesar og fleiri hendingar frá 1967 verða umrøddar í sendingini hesuferð, vælkryddað við tónleiki frá umrødda ári.

Tíðarinnar bakspegil: 1988, 4 (4)

Tue, 14 Feb 2012 18:13:00 GMT

1988 var eitt fjølbroytt og spennandi tónleikaár, tá hugsað verður um føroyskan tónleik, við eitt nú fyrstu føroysku fløguútgávuni, seks lp-plátum, og einum legendariskum kassettubandi.Frændir lata úr hondum fyrstu føroyskt framleiddu fløguna, 80'ini, Elin & Kári slóða fyri við bandinum Nalja, eins og LP-klassikarar sum Gaman og álvara við Hanus, Ymiskt á leiðini við M.C., 3 við Vestmonnum, Intro við Georg eystan Á, Dreymar við Av & Á, og fløgan Til allar vinir við Blátt síggja dagsins ljós.Hesar eru millum hendingarnar, vit umrøða í fjórðu sendingini um árið 1988, her evnið er mentanarárið 1988.

Tíðarinnar bakspegil: 1988, 3 (4)

Tue, 14 Feb 2012 18:13:00 GMT

Hesar eru millum hendingarnar, vit umrøða í triðju sendingini um árið 1988, her felagsnevnararnir eru vinnulív og politikkur - og sjálvandi kryddað við tónleiki frá 1988.

Tíðarinnar bakspegil: 1988, 4 (4), serlig netvarpsútgáva

Tue, 14 Feb 2012 17:04:00 GMT

1988 var eitt fjølbroytt og spennandi tónleikaár, tá hugsað verður um føroyskan tónleik, við eitt nú fyrstu føroysku fløguútgávuni, seks lp-plátum, og einum legendariskum kassettubandi.Frændir lata úr hondum fyrstu føroyskt framleiddu fløguna, 80'ini, Elin & Kári slóða fyri við bandinum Nalja, eins og lp-klassikarar sum Gaman og álvara við Hanus, Ymiskt á leiðini við M.C., 3 við Vestmonnum, Intro við Georg eystan Á, Dreymar við Av & Á, og fløgan Til allar vinir við Blátt síggja dagsins ljós.Hesar eru millum hendingarnar, vit umrøða í fjórðu sendingini um árið 1988, her evnið er mentanarárið 1988.

Tíðarinnar bakspegil: 1988, 2 (4)

Thu, 2 Feb 2012 14:35:00 GMT

Í 1988 flytur Føroya Banki ein part av edv skipanini frá Elektron til danska veitaran BEC, Strandferðslan fær eina tyrlu afturat, og Kristiliga Fólkaflokkurin slýtur samgonguna, tí hann ikki vil vita av javnstøðulógini og verju av teimum samkyndu.

Tíðarinnar bakspegil: 1969

Mon, 17 Oct 2011 12:25:00 GMT

Apollo 11 lendur á mánanum. Neil Armstrong stígur á mánan. eldsbrunin í Centrum-Cafeteria í Vestmanna. Klaksvíkar Ítróttar- og Samkomuhøll verður tikin í nýtslu.

Tíðarinnar bakspegil: 1968

Mon, 10 Oct 2011 12:25:00 GMT

Bergholið til Sandvík skotið ígjøgnum. Oyndarfjørður fær vegasamband. Norðoya Fornminnissavn verður stovnað. Nýggi á skúlin á Oyrabakka verður vígdur. Mykines fær streym. Petur Mohr Dam, løgmaður, farin