fo-FO Kringvarp Føroya https://kvf.fo/ljod/sending/vikan false Vikan tekur pulsin á vikuni, sum fer. Sendingin setir aktuellar søgur, hendingar og rák í eitt annað ljós. Við kjaki, samrøðum og satiru geva vit føroyingum eina løtu til umhugsni við einum skeivum smíli. Vertur er Ingi Rasmussen. Vikan tekur pulsin á vikuni, sum fer. Sendingin setir aktuellar søgur, hendingar og rák í eitt annað ljós. Við kjaki, samrøðum og satiru geva vit føroyingum eina løtu til umhugsni við einum skeivum smíli. Vertur er Ingi Rasmussen. All rights reserved. Kringvarp Føroya kt@kringvarp.fo Vikan tekur pulsin á vikuni, sum fer. Sendingin setir aktuellar søgur, hendingar og rák í eitt annað ljós. Við kjaki, samrøðum og satiru geva vit føroyingum eina løtu til umhugsni við einum skeivum smíli. Vertur er Ingi Rasmussen. 01:48:18 false Kringvarp Føroya Sat, 16 May 2026 12:14:00 GMT Vikugesturin er Rúna Nón Bjartalíð úr Klaksvík, sum bleiv púra ovfarin av móttøkuni, hon fekk, tá ið hon skrivaði eina dagføring, sum rakti fólk beint í hjartað. Djarvastu viðmerkingina hevur Høgni Djurhuus, sum leggur vikuna á skák. Í Dagføroyingum viðgera vit summarið og ferðavinnuna. Hvussu fer summarið at síggja út? Er árið í ár serligt? Hvar fert tú at halda summarfrí? Fert tú at ferðast uttanlands? Hví ella hví ikki, spyrja vit millum annað. Og koma eins nógv ferðafólk til Føroya í ár, sum undanfarin ár? Hoyr alla sendingina her 424d3f6c-fd46-4b52-b663-fcac2f75e0b7 810510 01:58:58 false Kringvarp Føroya Sat, 9 May 2026 12:31:00 GMT Vikugesturin var Bjørg Brynhildardóttir Egholm, sum fekk 971 atkvøður á løgtingsvalinum og er yngsta fólkið, sum er valt inn á ting. Djarvastu viðmerkingina hesa vikuna hevur Armgarð Arge, sum legði vikuna á skák.  Í Dagføroyingum, sum er í seinna tímanum, viðgera vit vitlíki. Hvat ER vitlíki, hvussu kunnu vit brúka tað, hvussu kann tað tæna okkum og samfelagnum, og ERU avbjóðingar ella vandar?  Í útvarpsstovuni eru: - Ólavur Ellefsen, teldufrøðingur, íverkseti, stjóri í fyritøkuni Usable. Ólavur var í verkætlanarbólkinum, sum gjørdi forkanningina um vitlíki. - Rannvá Mortansdóttir, sum undirvísir í enskum, føroyskum og miðlakunnleika á Glasi. - Barbara Scalvini, PhD og hevur lisið teldufrøði og lívfrøði. Barbara arbeiðir á Setrinum og er í holt við eina verkætlan um skynsama nýtslu av vitlíki. - Katla Heðinsdóttir, PhD í heimsspeki. Hoyr alla sendingina her ac9a9a1c-6bc1-477b-998c-5c669d14da08 810510 01:56:38 false Kringvarp Føroya Sat, 25 Apr 2026 12:38:00 GMT Noomi O. Gregersen, sum er nýggjur stjóri í Heilsustýrinum, var vikugestur. Djarvastu viðmerkingina hesa vikuna hevði Fróði Løkságarð, sum legði vikuna á skák. Í táttinum Dagføroyingar spyrja vit, hvussu kreppan millum Danmark og USA um Grønland, ávirkar støðuna í ríkisfelagsskapinum, og eru tekin um, at áhugin fyri Føroyum er vaksandi? Kjakið byggir á frágreiðingina "Millum Washington og Keypmannahavn: Grønland, Føroyar og framtíðini hjá Kongsríkinum", sum varð løgd fram á Setrinum fríggjadagin. Í útvarpsstovuni vóru Heini í Skorini, Birita í Dali og Tór Marni Weihe. Hoyr alla sendingina her. 6f66c688-95b5-4e01-84f8-3a7ba827cb7c 810510 01:55:43 false Kringvarp Føroya Sat, 18 Apr 2026 12:25:00 GMT Vikugesturin var Steffan Klein Poulsen, sum er nýggjur formaður í Miðflokkinum. Høgni Djurhuus legði vikuna á skák. Í Dagføroyingum kjakaðust vit um virkna deyðshjálp. Í útvarpsstovuni vóru Katrin Kallsberg, lækni, Arni Zachariassen, gudfrøðingur, og Georg L. Petersen, journalistur og avvarðandi. Hoyr alla sendingina her af9b97f2-ec93-4178-8c04-9ac1148c5a32 810510 01:53:39 false Kringvarp Føroya Sat, 11 Apr 2026 12:53:00 GMT Vikugesturin er Sámal Petur í Grund, sum tók øll á bóli við at vera afturveldur á ting og fáa gamla Sjálvstýri aftur til heiður og æru. Djarvastu viðmerkingina hesa vikuna hevur Armgarð Arge, sum leggur vikuna á skák. Og í Dagføroyingum taka vit samanum samgongusamráðingarnar og samgonguskjalið, nú ein nýggj samgonga hevur sæð dagsins ljós. Í útvarpsstovuni eru Sámal Matras, samfelagsfrøðingur, og Sonja Jógvansdóttir, samskiftisráðgevi, og vit hoyra eisini Jens Christian Svabo Justinussen, lektara. Hoyr alla sendingina her 89ca5809-7a27-48e4-94eb-1319c715492e 810510 02:02:00 false Kringvarp Føroya Sat, 21 Mar 2026 12:44:00 GMT Eyðgunn Samuelsen og Bjarni Hammer umboðaðu Javnaðarflokkin. Eyðdis Hartmann Niclasen og Helgi Abrahamsen umboðaðu Sambandsflokkin. Ruth Vang og Christoffur Gert Nielsen umboðaðu Framsókn. Hoyr Vikuna í vali her, har lurtarar ringdu inn til flokkarnar. dc9159bb-0372-445b-a8ff-305ad26604d4 810510 01:48:20 false Kringvarp Føroya Sat, 14 Mar 2026 12:26:00 GMT Steffan Klein Poulsen og Markus Mortensen umboðaðu Miðflokkin. Sylvia Thomsen og Sámal Petur í Grund umboðaðu Sjálvstýri. Fram til løgtingsvalið er tátturin Dagføroyingar skipaður sum: Telefon til flokkarnar. Hvønn leygarmorgun koma tvey umboð fyri ein flokk á gátt, og tú kanst ringja til teirra á telefon 31 13 80. 217f125b-6f9c-448c-86b7-5d40a48f30fc 810510 01:47:53 false Kringvarp Føroya Sat, 7 Mar 2026 16:27:00 GMT Feðgarnir Jacob og Jan Vestergaard umboðaðu Fólkaflokkin. Hervør Pálsdóttir og Anfinn í Toft umboðaðu Tjóðevldi Hetta til løgtingsvalið er tátturin Dagføroyingar skipaður sum: Telefon til flokkarnar! Hvønn leygarmorgun koma tvey umboð fyri ein flokk á gátt, og tú kanst ringja til teirra á telefon 31 13 80. 88c501e4-df99-45e5-b5f2-3bf6f458349c 810510 01:58:47 false Kringvarp Føroya Sat, 28 Feb 2026 13:06:00 GMT Okkara vikugestur er Per Zachariassen, sum eigur hugskotið og hevur stýrt sendingini Hoydalar, saman við dóttrini. Djarvastu viðmerkingina hesa vikuna eigur Jákup Veyhe, sum leggur vikuna á skák. Í Dagføroyingum spyrja vit, hvørji evni er tey týdningarmest, nú val er í hondum. Hvat vilt tú hava setir dagsskránna í valstríðnum, og hvat skulu okkara politikarar leggja størst dent á næstu fýra árini. Í útvarpsstovuni eru Jóannes N. Dalsgaard, Ester Hansen og Sonja Jógvansdóttir. Hoyr alla sendingina her. 603af415-c02d-4836-aca0-beb3eb1bd6b2 810510 01:44:08 false Kringvarp Føroya Sat, 21 Feb 2026 12:22:00 GMT Jógvan Páll Lassen, sum hevur verið advokatur í 50 ár, var vikugestur. Armgarð Arge legði vikuna á skák. Í Dagføroyingum var tosað um heitu politisku málini, Suðuroyartunnilin og hægri pensjónsaldur, sum fáa lagnuviðgerð í tinginum mánadagin. Hoyr alla sendingina her. c05a4210-39ad-4a70-b99e-443e171d9189 810510 01:58:53 false Kringvarp Føroya Sat, 14 Feb 2026 12:33:00 GMT Vikugesturin var Eyðun Nolsøe, sum hevur skrivað sangir á føroyskum til føroyingar í meira enn 40 ár. Hóskvøldið var hann tulkaður í sendingini Hoydalar, og í dagsins sending tosa vit við Eyðun um tað at liva sum tónleikari burturav, um uppvøkstur, um innara sinnið, um kærleika, um telving og mangt annað. Djarvastu viðmerkingina hevði Fróði Løkságarð, sum legði vikuna á skák. Í seinna tímanum hita vit saman við Gunnari Nolsøe upp til Melodi Grand Prix í kvøld, har Sissal aftur fer at royna seg. Hoyr alla sendingina her. a932066a-4bc6-46d6-b016-0fcbbbb91b2b 810510 01:53:44 false Kringvarp Føroya Sat, 7 Feb 2026 12:25:00 GMT Vikugesturin var Rúni Djurhuus, sum altíð hevur onkrar bóltar í luftini. Djarvastu viðmerkingina hesa vikuna hevði Høgni Djurhuus, sum legði vikuna á skák. Í Dagføroyingum settu vit sjóneykuna á tey ungu, sum hava skotið upp at banna smarttelefonum og sosialum miðlum fyri børn yngri enn 14 ár. Og so spældu vit øll løgini í fyrstu sendingini "Hoydalar", har ungir spírar tulkaðu Martin Joensen. Hoyr alla vikuna her. 48d82f05-367f-47e6-a5f5-3f2d307600ee 810510 01:56:26 false Kringvarp Føroya Sat, 31 Jan 2026 12:30:00 GMT Vikugesturin er Annika Holm, leiðari á Heilbrigdinum, sum í 40 ár hevur verið viðgerðarstovnur fyri tey, sum hava alkoholtrupulleikar. Herfyri flutti Heilbrigdi av Velbastað til Havnar. Djarvastu viðmerkingina hesa vikuna hevur Armgarð Arge, sum leggur vikuna á skák. Í Dagføroyingum, har tú kanst siga tína meining, viðgera vit rúsdrekkamentanina í Føroyum. Fyllir alkohol ov nógv, ella duga føroyingar betri við rúsdrekka ein áður. Nær kunnu vit byrja at drekka, og hví er alkohol oftast uppií, tá ið vit skulu feira okkurt - ella bara hugna okkum. Øll sendingin kann hoyrast her 469396e6-1564-4cf1-b10a-fba6c485ed6c 810510 01:56:33 false Kringvarp Føroya Sat, 24 Jan 2026 12:45:00 GMT - Skulu vit loyva einum muslimskum meditatiónshúsi í Føroyum? Tað var høvuðsspurningurin í Dagføroyingum, har føroyingar eisini ringdu inn og søgdu sína hugsan. Í útvarpsstovuni sótu Poul Guttesen, phd. í gudfrøði, og Bárður á Lakjuni, tingmaður, sum høvdu hvør sína meining, hóast báðir hava sínar røtur í brøðrasamkon Vikugesturin var Elin Heðinsdóttir Joensen, sum er forseti í ÍSF, ið skipar fyri ítróttarfagnaði. Djarvastu viðmerkingina hesa vikuna hevur Jákup Veyhe, sum legði vikuna á skák. Hoyr alla sendingina her. 89f3ce55-98d2-4cb7-b3e8-775b84d6ff30 810510 01:59:37 false Kringvarp Føroya Sat, 17 Jan 2026 12:56:00 GMT Vikugesturin er Mary Antonsdóttir, forkvinna í Heilsuhjálparafelag Føroya, sum í hesum døgum er í samráðingum vegna limirnar, ið eru um okkara eldru. Djarvastu viðmerkingina hesa vikuna hevur Fróði Løkságarð, ið leggur víkuna á skák. Í seinna tímanum hoyra vit frá seks hondbóltsspælarum á manslandsliðnum, sum nú stríðast í EM-endaspælinum í Oslo. Teir minnast aftur á startskotið til ferðina hjá føroyskum manshondbólti, tá ið teir vóru við í endaspæli í Algeria við U21-landsliðnum. Hoyr alla Vikuna her b8ea4d5d-b2f4-4a78-9bd1-092a26fc22b3 810510 01:47:16 false Kringvarp Føroya Sat, 10 Jan 2026 12:41:00 GMT Vikugesturin var Bernhardur Wilkinson, sum hetta vikuskiftið stjórnar Føroya symfoniorkestri fyri seinastu ferð. Djarvastu viðmerkingina hesa vikuna hevur Høgni Djurhuus, sum leggur vikuna á skák. Í Dagføroyingum kjakaðust Johan Dahl úr Sambandsflokkinum og Erling Eidesgaard úr Tjóðveldi um nýggju heimsstøðuna og støðu Føroya. Hoyr alla Vikuna her. fb67d7cd-02eb-4e49-9ab5-192ddb1fae1e 810510 01:51:43 false Kringvarp Føroya Sat, 13 Dec 2025 12:29:00 GMT Vikugesturin er Hjalmar Petersen, sum nú gevst sum stjóri í Vónini. Hann hevur verið í fyritøkuni síðan 1996, og í 2001 gjørdist hann stjóri. Hesi árini er fyritøkan vaksin úr 40 til 600 milliónir krónur í umsetningi. Vónin hevur í dag virksemi í 9 londum. Hjalmar er eisini kendur úr rossa og hondbóltsumhvørvinum, og hann hevur fingið nógv haðani, sigur hann. Nú gevst hann, tí Vónin flytir alt alivirksemi til Noregs. Djarvastu viðmerkingina hevur Armgarð Arge, sum leggur vikuna á skák. Í Dagføroyingum, har føroyingar á degnum kunnu siga sína meining, viðgera vit uppskotini um Suðuroyartunnilin og pensjónsaldurin, ið nú koma aftur til politiska viðgerð í løgtinginum. 62c9e63a-cfff-4eb5-946b-daecae4261f9 810510 01:55:11 false Kringvarp Føroya Sat, 6 Dec 2025 12:30:00 GMT Sum barn át hon hotellmat til døgurða hvønn dag, tí pápin arbeiddi allan sólarringin á hotellinum í býnum. Hon hevur tann hugburðin, at tú skalt ongantíð geva upp, tí tað er aftur ein dagur í morgin. Og so er hon errin av eftirnavninum Restorff, tí tað er eitt samheiti við góða tænastu. Vikugesturin er Rósa Maria Restorff. Í Dagføroyingum viðgera vit hondbóltsævintýrið hjá føroysku HM-kvinnunum, sum gera bart í Týsklandi. Vit tosa við fólk, sum hava fylgt kvinnunum upp á tindarnar, og fyrrverandi hondbóltsspælarar, sum eru bergtiknir av avrikinum higartil. Og so seta vit avrikið í eitt samfelagsligt perspektiv. Fólk ringja inn, og vit tosa eisini við fólk á gøtuni. Djarvastu viðmerkingina hesa vikuna hevur Jákup Veyhe, sum leggur vikuna á skák. Hoyr alla sendingina her. fb6e6e84-687b-46d3-8119-7f1ceb79a695 810510 01:53:16 false Kringvarp Føroya Sat, 29 Nov 2025 12:30:00 GMT Vikugesturin var Hedvig Johansdóttir, aðalskrivari í Barnabata, sum nú skipar fyri afturvendandi tiltakinum "Í menniskjum góður tokki" fyri familjur og børn í fátækraváða. Hon tók við sum aðalskrivari fyrr í ár. Hvør er Hedvig, og hvat ger Barnabati. Í táttinum Dagføroyingar settu vit sjóneykuna á stóru Barnaverkætlanina, nú altjóða barnarættindadagur hevur verið. Vit tosa við børnini og tey, sum gingu á odda í barnaverkætlanini, sum setir orð á, hvat tað góða barnalívið er og skal føra til barnalógina, sum er í gerð. Hoyr alla sendingina her. 49ae3f9c-75dc-46c2-949c-fee504f5623a 810510 01:57:24 false Kringvarp Føroya Sat, 22 Nov 2025 13:13:00 GMT Vikugesturin var Annika Hoydal, og í Dagføroyingum tosaðu vit við ymsar føroyingar, sum sendu henni heilsanir á degnum. Høgni Djurhuus legði vikuna á skák. Hoyr alla sendingina her. 231c98ed-cdb0-43f1-9f63-51dbb561b3d6 810510 01:51:39 false Kringvarp Føroya Sat, 15 Nov 2025 12:27:00 GMT Vikugesturin var Ben Arabo, formaður í Nýskipanarnevndini, sum hevur verið á hvørjum munni seinastu vikurnar. Armgarð Arge legði vikuna á skák. Í Dagføroyingum ringdu fólk inn og viðgjørdu, um náttúran hevur eitt virði í sær sjálvari. Hoyr alla sendingina her 245bde48-113a-4e64-8a62-fdc8a417de74 810510 01:54:44 false Kringvarp Føroya Sat, 8 Nov 2025 12:36:00 GMT Vikugesturin er Jóhan Christiansen, sum einans fekk 8 mánaðir sum landsstýrismaður, nú løgmaður gjørdi av at smalka miðfyrisitingina. Djarvastu viðmerkingina hesa vikuna hevur Fróði Løkságarð, sum leggur vikuna á skák. Og í Dagføroyingum, har føroyingar á degnum siga sína meining, er telefon til løgmann. ae179315-06de-4486-8733-428391ed398e 810510 01:34:47 false Kringvarp Føroya Sat, 1 Nov 2025 12:16:00 GMT Vikugesturin var Vónbjørt Vang, sum fekk bókmentavirðisløn Norðurlandaráðsins fyri ógvuliga persónligu bókina Svørt orkidé. Djarvastu viðmerkingina hesa vikuna var Jákup Veyhe, sum legði vikuna á skák. Og í táttinum Dagføroyingar viðgjørdu vit skíggjanýtslu, nú tað er nærveruvika. 11f00689-d731-4c1e-8dc9-efcff9c284c9 810510 01:53:50 false Kringvarp Føroya Sat, 25 Oct 2025 12:32:00 GMT Mentan setur dám á sendingina, tí stóru norðurlendsku virðislønirnar og virðislønir M.A. Jacobsen settu dagsskránna hesa vikuna. Vikugesturin er Kinna Poulsen, lærari, ummælari og rithøvundur, sum mikudagin fekk virðisløn M.A. Jacobsen fyri yrkisbókmentir - fyri bókina "í Eygnahædd um føroyska samtíðarlist í 21. øld". Djarvastu viðmerkingina hesa vikuna hevur Høgni Djurhuus, sum leggur vikuna á skák. Í táttinum Dagføroyingar heiðra vit tey, sum fingu stóru norðurlendsku virðislønirnar í bókmentum og filmi, Vónbjørt Vang og Sakaris Stórá. Í útvarpsstovuni eru Malan Marnersdóttir, bókmentafrøðingur, og Birgir Kruse, filmskønur, at seta virðislønirnar í perspektiv, og lurtarar ringja inn. Hoyr alla sendingina her. 7f9bd4cd-2006-49a4-83ea-d94166570d8a 810510 01:49:13 false Kringvarp Føroya Sat, 18 Oct 2025 12:35:00 GMT Vikugesturin er vágbingurin Jens Sivar Djurhuus, sum tók ta víðagitnu myndina av gloppandi hekkuportrinum á Galaxy. Djarvastu viðmerkingina hesa vikuna hevur Armgarð Arge, sum leggur Vikuna á skák. Og í táttinum Dagføroyingar søgdu serliga suðringar sína hjartans meining um støðuna í Suðuroy og serliga ferðasambandið. dba298ab-c1af-470d-a25e-aafbcd7659bf 810510 01:56:28 false Kringvarp Føroya Sat, 4 Oct 2025 12:30:00 GMT Vikugesturin var Eyðdis Hartmann Niclasen, løgtingskvinna fyri Sambandsflokkin, sum hevur verið í eini melduródn, tí hon setti sítt navn á uppskotið um at loyva fríari fosturtøku fram til 12. viku. Fróði Løkságarð hevði djarvastu viðmerkingina hesa vikuna, tá ið hann legði vikuna á skák. Í táttinum Dagføroyingar fingu føroyingar høvi at seta Ruth Vang, landsstýriskvinn í fíggjarmálum, spurningar um fíggjarlógina. Hoyr Vikuna her ff5f8784-fd6b-4e3d-8907-6f5b9a4f6ad7 810510 01:54:07 false Kringvarp Føroya Sat, 27 Sep 2025 13:00:00 GMT Vikugesturin var Uni Árting, sum júst hevur fingið miðlaheiðurslønina frá Granskingarráðnum á Vísindavøkuni. Í táttinum Dagføroyingar kjakaðust Bjørt Lind og Birita Lamhauge Jóansdóttir, báðar sálarfrøðingar, um fosturtøku, og lurtarar ringdu inn og søgdu sína hugsan. Hesa vikuna legði Jákup Veyhe vikuna á skák. Hoyr alla Vikuna her 7a1cf753-aac0-4633-bc23-821856be4ee4 810510 01:54:52 false Kringvarp Føroya Sat, 20 Sep 2025 12:25:00 GMT Vikugesturin var Hanna Vang, sum hevur tikið við enn einum skeiði sum Løgtingsins Umboðsmaður. Høgni Djurhuus legði við vikuna á skák. Í kjaktáttinum Dagføroyingar hugleiddu føroyingar um, at Føroyar eru dýrasta landið at fara til handils í. Hoyr alla sendingina her d5ddcf86-a5e8-4302-bdf7-8374f9c104fe 810510 01:53:52 false Kringvarp Føroya Sat, 13 Sep 2025 12:36:00 GMT "Dagføroyingar" er tátturin, har føroyingar koma til orðanna um aktuell mál. Hesaferð var evnið ferðavinnan, sum hevur vaksið seg so stóra. "Vikugesturin" hesa ferð, var Beinir Johannesen, sum hevur undirtøku frá triðja hvørjum veljara at gerast løgmaður, hóast hann bara hevur verið formaður í Fólkaflokkinum í sløk trý ár. Hesa ferð legði Armgarð Arge vikuna á skák. d63f7395-2419-4d8d-9337-743179d2c67c 810510 01:54:16 false Kringvarp Føroya Sat, 6 Sep 2025 13:04:00 GMT Vikugesturin hesa vikuna var Árni M. Dam. Hann hevur brúkt stóran part av sínum lívi í fiskivinnuni og hevur greiðar meiningar um, at yvirnormali vinningurin eigur at vera tikin úr vinnuni. Fyri 22 árum síðan kom hann illa fyri og lá í longri tíð fullkomiliga avlamin. Hann kom fyri seg, og týsdagin tekur hann sæti á Føroya løgtingi restina av hesum tingskeiðnum. Hesa vikuna legði Fróði Løkságarð vikuna á skák. Í táttinum Dagføroyingar lótu vit føroyingar koma til orðanna um ætlanina at rationalisera almenna geiran. Hoyr alla sendingina her. 87b2d800-13cb-42e6-816a-d06549ff6b8a 810510 01:45:03 false Kringvarp Føroya Sat, 31 May 2025 12:53:00 GMT Í vikukjakinum umrøða vit nýggju veljarakanningina hjá portal.fo, søluna av atgongumerkjum til EM í hondbólti í Oslo, og um tørvur er á lagaligari lánum til ung. Nina Brockie Hansen, Marner Fríðheim Kristiansen og Sámal Matras eru vikukjakarar. Vikugesturin hevur ofta verið nevndur í sambandi við nógv umrødda málið um Suðuroyartunnilin, sum bleiv bremsað og koyrt aftur í nevnd. Tvørámaðurin hevur ferðast til nógv støð, har tørvur hevur verið á hjálp at bora tunlar. Hann er harukongur og dámar at loysa trupulleikar. Men hvør er hann? Vikugesturin er Kristian Stórhamar. Og hesa ferð leggur Armgarð Arge vikuna á skák. 869b1615-182e-413a-b718-de9456137be1 810510 01:34:33 false Kringvarp Føroya Sat, 24 May 2025 12:31:00 GMT Í vikukjakinum tosa Finn Jensen, Marna Jacobsen og Katrin Dagbjartsdóttir um veður og vind. Vit taka saman um finaluna í ársins Eurovision, tá ið Sissal kom, sá og tapti. Ella gjørdi hon nú tað? Og so venda vit politisku støðuni, sum á evsta tingdegi endaði við afturtøku og hornasparki. Vikugesturin hevur í 25 ár staðið á odda fyri Havnar handverkarafelag. Nú hevur hann takkað fyri seg og latið væl snikkaðu stafettina víðari. Okkara vikugestur er Eli Brimsvík. Og hesa vikuna leggur Fróði Løkságarð vikuna á skák. 976e7a6e-9e80-4ce7-8b76-8ac23a1e8b34 810510 01:45:12 false Kringvarp Føroya Sat, 17 May 2025 12:13:00 GMT Í vikukjakinum fara Magni Højgaard, Turið Debes Hentze og Ben Arabo at kjakast um ísrealsfagnað og -mótmæli á Vaglinum, samstundis sum Ísrael herðir stríðið í Gaza. Vit tosa um trygdarpolitiska toppfundin í Tinganesi, og so hugleiða vit um ein lítlan frekan feministiskan kepp, ið gongur sum heitt breyð. Hann hevur starvast sum embætisfólk og seinni leiðari í Tórshavnar kommunu í 18 ár, er løgfrøðingur og eisini journalistur, og skal nú standa á odda fyri Kringvarpi Føroya. Magnus Dam nýggjur kringvarpsstjóri er vikugestur í dag.  Hoyr sendingina her fe0b5270-85a6-4428-bb99-9ef053247825 810510 01:43:38 false Kringvarp Føroya Sat, 10 May 2025 12:29:00 GMT EM-endaspæl og óvissa vóru vikuorðini, sum vikukjakararnir Malan á Dunga og Regin Marnersson, valdu hesa vikuna. Tey kjakast millum annað um hví fólk færri fólk keypa sær elbil í fjør enn í ár, og um grønar loysnir skulu stuðlast meira. Eisini umrøða vit nýggju lógina um hjálp fyri barnloysi, har millum annað stakar kvinnur nú kunnu fáa hjálp frá tí almenna til at fáa børn. Og so umrøða vit kanning og grein um harðskap í Føroyum, sum vísur at tølini í Frøoyum lígjast teimum í okkara grannalondum, men at Føroyar liggja ovarlaga í harðskapi í nærsambondum. Hon er djørv, siga summi, hon er ov politisk, siga onnur. Vikugesturin hevur staðið fram og rópt varskó, nú Løgtingið hevur samtykt at fara undir dýrastu og nógv størstu verkætlan í Føroya søgu. Okkara vikugestur er landsbankastjórin, Malan Johansen, sum av álvara hevur verið í brennideplinum síðstu tíðina. Og hesa vikuna leggur Høgni Djurhuus vikuna á skák. 2223f6e2-5a89-46c6-9d50-f723efd28369 810510 01:53:19 false Kringvarp Føroya Sat, 3 May 2025 13:23:00 GMT Leygarmorgun taka vit saman um vikuna, sum fer. Vikukjakið er merkt av, at Suðuroyartunnilin hevur fylt tað mesta. Løgtingið samtykti við aðru viðgerð, at størsta verkætlan nakrantíð í Føroya søgu nú skal fyrireikast, projekterast og bjóðast út. Hetta var eisini vikan, tá ið arbeiðarafjøldin gjørdi vart við seg á 1. maidagshaldi, og vit spyrja, hvussu viðkomandi tað er. Og so taka vit samanum fyrstu 100 dagarnar hjá Donaldi Trump, forseta. Vikukjakarar eru Dagfinn Olsen, Steinar Patursson og Maria Ziskason. Hann hevur vunnið altjóða viðurkenning og tvær michelinstjørnur við Koks, sum seinastu árni hevur hildið til í Grønlandi. Nú er stjørnukokkurin aftur á klettunum, er givin í Koks, og hevur júst latið sína egnu matstovu upp í Havn - PAZ. Poul Andrias Ziska er vikugestur hesa vikuna. Og hesa ferð leggur Armgarð Arge vikuna á skák. d39c778a-9a1c-4f62-b2f8-973d719a6740 810510 01:48:30 false Kringvarp Føroya Sat, 26 Apr 2025 12:48:00 GMT Í vikukjakinum viðgera vit, um tað er í lagi, at Tórshavnar kommuna loyvir privatum felagi at selja leiguíbúðir. Vit hugleiða um nýggju lógina, sum sigur, at lesandi á Heilsuskúlanum í Suðuroy skulu fáa løn undir lestri. Og so spyrja vit, um heilsudeplar við fleiri fakbólkum er eitt gott hugskot. Vikukjakarar eru Helgi Rasmussen og Poul Guttesen. Líka síðan hann var smádrongur, hevði hann stóran áhuga fyri filmi. Og skopunardrongurin, sum droymdi seg burtur við flakalinjuna og ongantíð fekk eitt miðnámsskúlaprógv, skuldi eisini gerast ein undangongumaður sum filmsskapari í Føroyum. Nú er hann háaktuellur við spælifilminum Seinasta paradís á jørð, og í dag er hann okkara vikugestur. 3c1e0a57-8870-4377-95a0-749be929ce68 810510 01:56:33 false Kringvarp Føroya Sat, 12 Apr 2025 13:25:00 GMT Í vikukjakinum viðgera vit uppgerðina í Framsókn, sum nú missir minst ein flokslim orsakað av málinum um fosturtøku. Vit spyrja eisini, hví føroyingar og serliga føroyskir menn drekka so illa - og um tilmælini og nullhugsjónin frá Heilsustýrinum um rúsdrekka er realistisk og viðkomandi. Og so viðgera eisini, um føroysku fólkatingsumboðini skulu bjarga donskum ministarum. Tey, sum eru komin at kjakast og hugleiða, eru: Marnar Fríðheim Kristiansen, Turið Debes Hentze og Magni Højgaard. Hon verður nýggjur stjóri í Almannaverkinum, ið er ein av hornasteinunum í føroyska vælferðarsamfelagnum og umsitur ein triðing av fíggjarlógini. Hvussu fer hon til hesa stóru uppgávu, og hvør er kvinnan handan komandi stjóran. Hjørdis Sólbjørg Mortensen er vikugestur hesa vikuna. Og hesa vikuna leggur Fróði Løkságarð vikuna á skák. Vælkomin til Vikuna 25e562ca-b182-47e1-9d42-488d38eab34c 810510 01:44:08 false Kringvarp Føroya Sat, 5 Apr 2025 13:12:00 GMT Í vikukjakinum hesa vikuna skifta vit millum annað orð um prísshækkingina hjá Strandfaraskipum landsins eftir 18 árum við óbroyttum prísum, eisini umrøða vit hallið á fíggjarlógini og suðuroyartunnilin, og vit kjakast um stóru heilsukanningina hjá Heilsustýrinum og hví ungar familjur kenna seg nógv meira fíggjarliga sperdar enn í 2015. Regin Marnesson, Cecilica Nolsøe Sørensen og Ragnheiður Bogadóttir eru vikukjakarar. Sjálvsálitinum bilar einki, og hon torir at siga og vísa, hvør hon er. 1. mars vann hon danska melodi grand prixið, og síðan hevur hon havt úr at gera við konsertum, ferðum og samrøðum, samstundis sum at hon skal passa sín lesnað til lærara og tilveru á Oyrasundskollegiinum, har hon býr við sínum tveimum døtrum. Miðskeiðis í mai skal hon skína á Eurovision í Sveis. Sissal Jóhanna Norðberg Niclasen er okkara vikugestur. ea93aee6-ef1b-4252-add7-73b882b9af29 810510 01:46:04 false Kringvarp Føroya Sat, 29 Mar 2025 13:16:00 GMT Í vikukjakinum hesa ferð venda vit aftur nøsini móti spentu støðuni í Grønlandi, nú næsti maður forsetans fór á sjálvbodna vitjan, samstundis sum Grønland skipaði stjórn. Men vit venda eisini nógv minni málum, sum fólk tosa um beint nú. Sjónvarpsrøðin Adolescence hevur vakt ans um allan heim, og vit spyrja millum annað, um hon er viðkomandi fyri okkum. Herheima fekk Konditaríið á Glade Hjørn næstan líka nógva umrøðu sum Trump hesa vikuna, og har seta vit spurningin, um ein kommuna skal keypa og reka eitt gamalt kaffihús. Vikugesturin fekk herfyri stóran heiður fyri sína undirvísing og menning av mesterútbúgvingini á Fróðskaparsetrinum. Ása Róin er vikugestur. Hesa vikuna leggur Høgni Djurhuus vikuna á skák. 6417df8d-54ec-4bef-bcef-fe28ed5931b4 810510 01:59:53 false Kringvarp Føroya Fri, 21 Mar 2025 14:12:00 GMT Í vikukjakinum tosa vit um hondbólt, vápnahvíld og dupping, umskipan av almenna geiranum og eftirútbúgving av lærarum. Óluva Klettskarð, Poul Guttesen og Nina Brockie Hansen eru vikukjakarar. Mandslandsliðið í fótbólti spælir í undankappingardyst til HM í móti Kekkia í kvøld. Vikugestur er nýggi landsliðsvenjarin. Vit tosa við Eyðun Klakkstein um nýggja starvi og lívsleiðina. Og hesa vikuna leggur Armgarð Arge vikuna á skák. dcb00621-dfcd-4d33-a3f2-94bdff2809ee 810510 01:54:26 false Kringvarp Føroya Sat, 15 Mar 2025 12:41:00 GMT Í vikukjakinum luttekur Turid Hátun Madsen fyri fyrstu ferð, og hon er saman við Nicolaj Falck og Hans J. Hermansen. Vit tosa um hækkaða pensjónsaldurin, sum nú helst verður samtyktur, og vit spyrja, um kommunur skulu kunna krevja gjald fyri tóm hús, eins og vit venda grønlendska valinum. Grønland hevur verið á breddanum vegna Trump og valið hesa vikuna, men hvussu síggja grønlendsk viðurskiftir út hjá einari, ið er uppvaksin í Grønlandi? Vikugestur hesa vikuna er Elin Neshamar Olsen, sum er uppvaksin í Paamiutt og hevur lisið í Nuuk, men í dag býr í Klaksvík. Og hesa vikuna leggur Jákup Veyhe vikuna á skák. c5f60873-a13c-4cb6-b906-da8267625ed6 810510 01:54:35 false Kringvarp Føroya Sat, 8 Mar 2025 12:22:00 GMT Altjóða kvinnudagurin setir dám á vikukjakið, har vit millum annað kjakast um minkandi føðitíttleika, avbjóðingar hjá smábarnafamiljum og javnstøðu, um Trump og afturtiknan hernaðarstuðul og landsstýrisrokaduna, sum var fráboðað í gjár. Vikukjakarar eru Diana Reynstind, Lív Egilsdóttir Olsen og Ben Arabo. Vikugesturin á ársins stríðsdegi fyri kvinnur er Bjørt Samuelsen, sum júst er farin um tey 60 árini. Hon droymdi einaferð um at gerst djóralækni, men størsta partin av sínum arbeiðslívi hevur hon verið í politikki. Hóast hon situr í landsins hægsta politiska sessi, lýsir hon seg sjálva sum "a lonely rider". Og hesa vikuna leggur Fróði Løkságarð vikuna á skák. ee4b5dae-b916-4db9-9d82-b2adf5c0310d 810510 01:56:20 false Kringvarp Føroya Sat, 1 Mar 2025 12:33:00 GMT Nú vit spæla føroyskt fyri allar pengarnar, vóru allir luttakararnir í vikukjakinum tónleikarar: Niclas Johannesen, Knút Háberg Eysturstein og Guðrið Hansdóttir. Diplomatiska niðurbræðingin í ovala rúminum í Hvítu húsunum, har Donald Trump og J.D. Vance góvu Volodomyr Zelensky turt uppá fekk rúmd, men tey tosaðu eisini um at vera tónleikari í Føroyum, og tey tóku eisini støðu til, at heilt ung ómakaleyst sleppa at keypa snús í handlum, hóast tað er ólógligt. Mánadagin vóru trý ár síðani, at Russland leyp á Ukraina, og Ukraina hevur fylt nógv í miðlunum, ikki minst aftaná fundin millum Trump og Zelensky í gjár, sum endaði heilt galið. Vit varpa eisini ljós á Ukraina í dag, og tí er vikugestur hesa vikuna Olga Loburak. Olga er ukraini, men hevur búð í Føroyum í 23 ár. Foreldur hennara búgva enn í Ukraina, og eini beiggin er hermaður í Donetsk landslutinum. Vit tosa við hana um kríggið, landið og mentanina og hvussu tað hevur verið at flyta til Føroya og liva her. Og hesa ferð leggur Høgni Djurhuus vikuna á skák. Hoyr alla sendingina her. a6f56135-c124-4296-a661-5b0b32612371 810510 01:56:12 false Kringvarp Føroya Sat, 22 Feb 2025 12:44:00 GMT Vikukjakið hesa ferð snýr seg um nógv umrødda dokumentarin "Hvíta gullið", sum DR og Kringvarpið hava víst, men sum DR valdi at taka av skrá hósdagin. Eisini umrøða vit týska valið, sum verður sunnudagin og seta tað í relatión til heimsstøðuna við Trump, friðarsamráðingar, Ukraina og dubbing. Og vit nema eisini við eina nýggja standmynd. Vikugesturin stóð á ovastu rók í gjár og skoðaði út yvir tey fyrstu ungu, ið spældu steypafinalur í nýggju stórhøllini við Tjarnir, sum hansara virki, Articon, hevur bygt. Hann hevur sjálvur annar í fjórðingsøld bygt upp Articon, sum nú skal seljast. Jón Sigurðsson er vikugestur. Og hesa vikuna er tað Armgarð Arge, sum leggur vikuna á skák a14650fe-abb6-4802-ba63-fb70b4bdd5dc 810510 01:58:05 false Kringvarp Føroya Sat, 8 Feb 2025 12:29:00 GMT Í vikukjakinum verður tosað um uppafturrisna kjakið um føroyskan limaskap í ES. Nú tað er vika sex spyrja vit, hvussu vit skulu tosa um sex í skúlanum. Og so viðgera vit, um tað er rætt at seta ein útlending at stjórna okkara tjóðpalli. Vikukjakarar eru Oda Wilhelmsdóttir Andreassen, Helgi Rasmussen og Nicolaj Falck. Seinastu 12 árini hevur hon staðið á odda fyri rættindunum hjá fólki, ið bera brek og teimum 24 limafeløgunum í MEGD. Nú gevst hon sum forkvinna í MEGD. Tóra við Keldu er okkara vikugestur. Og hesa vikuna leggur Fróði Løkságarð vikuna á skák. 04c8d799-b61c-454b-9e6d-752eeff36819 810510 01:57:18 false Kringvarp Føroya Sat, 1 Feb 2025 12:42:00 GMT Í Vikuni taka vit saman um vikuna við vikukjaki, vikugesti og vikuspei. Vikupanelið hesa vikuna er mannað av Gunnari K. Nattestad og Anniku Sølvará, sum skifta orð um formansumfarið í sjónvarpinum um ríkisfelagsskapin, tilbúgvingartyrlur og um hvørt kríggið í Gaza/Ísrael átti at verið á skrá á altjóða Holocaustdegnum hjá Námi í ár. Hann hevur sjálvboðin verið í kríggi og barst fyri, at ukrainar varðveita sína sjálvstøðu sum tjóð, eftir at Russland fyri trimum árum árum síðan gjørdi innrás og bumbaðu fólk og land. Í vikuni kom bók "Soldat" út um hansara tíð í ukrainska herinum, og í dag er Bjarti Grunnveit Olsen okkara vikugestur. Og hesa vikuna leggur Jákup Veyhe vikuna á skák. af6aa27e-bb14-428d-bb32-3b52ddd188bf 810510 01:55:20 false Kringvarp Føroya Sat, 25 Jan 2025 12:18:00 GMT Vikukjakið hesa ferð er um fyrstu vikuna hjá Donald Trump forseta í USA. Vit skifta eisini orð um, at alsamt fleiri stórar føroyskar fyritøkur vera seldar av landinum. Og so venda vit barnaráðstevnuni í Norðurlandahúsinum, har 300 børn hava givið sítt íkast til komandi barnalógina. Við borðið sita Ben Arabo, Steinar Paturson og Eydna Skaale. Vikugesturin hevur verið sera fjølbroyttur tónleikaliga, er forvitin og dámar at bjóða sær sjálvum og áhoyrarunum av. Hósdagin hevði hann eina hagtalskonsert, sum var skipað í samstarvi við Hagstovu Føroya, og í næstu viku spælir hann á Vetrarjazzi. Heðin Ziska Davidsen er vikugestur hesa vikuna. Og hesa vikuna er tað Høgni Djurhuus, sum leggur vikuna á skák 50e673c2-b096-4f78-a055-84c12a560373 810510 01:52:00 false Kringvarp Føroya Sat, 18 Jan 2025 12:56:00 GMT Við vikukjaki, vikugesti og vikuni á skák taka vit pulsin á vikuni, sum fer, og vit viðgera aktuellar søgur og hendingar. Kjakið hesaferð snýr seg um ríkisfelagsskapin, tí nú sjálvræðiskjakið er heitt í Grønlandi, hevur lutfalsliga lítið verið at hoyrt frá føroyskum politikarum, hóast nakað hevur verið. Vit spyrja, hvat føroysk løgtingsfólk eiga at gera, og hvussu sambandið millum Føroyar og Danmark skal síggja út í framtíðini? Vit viðgera eisini altjóða trygdarstøðuna, nú Føroyar vera nevndar í altjóða miðlum, og landsfrøðiliga liggja mitt í stríðnum millum heimsveldir. Og so spyrja vit eisini, um føroyingar yvir 60 ár, eins og danir, skulu hava rætt til at frávelja upplívgan, um ein fær hjartasteðg. Við vikukjaksborðið hesa ferð sita Hans Andrias Sølvará, professari í søgu og útbúgvingarleiðari, Marjun í Kálvalíð, prestur, og Regin Berg stjórnmálafrøðingur. Vikugesturin hevur leingi verið millum okkara bestu violinleikarar, og hann hevur eisini sett eina rúgvu av nýggjum fiólleikarum við. Seinasta leygarkvøld var hann konsertmeistari í Føroya symfoniorkestri fyri seinastu ferð. Vikugesturin er Sámal Petersen 21940aa5-9ad2-4012-83c3-de81089ec4e0 810510 01:55:44 false Kringvarp Føroya Sat, 11 Jan 2025 12:33:00 GMT Við vikukjaki, vikugesti og vikuni á skák taka vit pulsin á vikuni, sum fer, og vit viðgera aktuellar søgur og hendingar. Kjakið hesa ferð fer sjálvandi at snúgva seg um Grønland og nýggju støðuna í ríkisfelagsskapinum, men vit gera eisini støðuna upp í nýggja árinum, og vit spyrja eisini, um fartelefonir heilt skulu bannast í fólkaskúlanum, soleiðis sum løgmaður segði í sínari nýggjársrøðu. Við vikuborðið hesa ferð sita Gestur Hovgaard, Katrin Dagbjartsdóttir og Theodor Eli Dam Olsen. Vikugesturin er toftamaður við stórum T, hóast hann hevur búð í Havn í eini 30 ár; hann hevur stóran áhuga fyri náttúru, náttúruvísindum, støddfrøði og seyðahaldi; hann hevur eisini verið sera virkin í fótbólti og spælt 15 ár á besta liðnum hjá B68; og so er hann útbúgvin lærari og formaður fyri allar fólkaskúlalærarar í landinum. Jacob Eli Olsen, formaður í Føroya Lærarafelag er vikugestur. Og hesa vikuna er tað Fróði Løkságarð, sum leggur vikuna á skák de16c252-d0a4-4cf5-9a8f-8b0d208602bc 810510 00:52:00 false Kringvarp Føroya Sat, 14 Dec 2024 12:38:00 GMT Í seinastu vikunu í ár og undan jól kjakast vit millum annað um jólini. Eru vit vorðin betri til nærveruna og hugnan, ella vindur strongdin og materialisman uppá seg? Vit skifta eisini orð um Bústaðir, nú løgtingsgrannskoðararnir vilja hava eina frágreiðing um stovnin, og teir og landsstýriskvinnan í bústaðarmálum vilja hava Bústaðir at byggja fleiri lestraríbúðir. Vit fara eisini til Sandoynna, har sandingar halda, at tunnilsmunnin til Suðuroyartunnilin skal flytast av Skarvanesi til Sands bygd. Tey hava tí framlagt eitt uppskot, sum líkist tí, sum Landsverk vísti á fyri tveimum árum síðani. Harumframt spyrja vit, um gjald skal leggjast á tóm hús, nú Løgmálaráðið hevur sent uppskot til hoyringar um tænastugjald á býlir, har ongin er skrásettur at búgva. Kjakarar hesa vikuna eru: Johan Ejvind Restorff Mouritsen, byggimeistara, Hans Jákup Hermansen, fyrrverandi lærara og Óluva Klettskarð, studentaskúlalærara. Vikugesturin hevur síðstu vikurnar verið í miðlameldrinum, sum hann annars sjálvur hevur stjórnað síðstu seks árini. Hann bleiv koyrdur frá, tí hann vildi verja starvsfólk móti drápshóttanum. Nú hevur hann fingið eina fráfaringaravtalu, sum millum annað hevur við sær, at hann skal ráðgeva ta leiðsluna, sum hann sjálvur er koyrdur úr. Vikugesturin er Ivan Niclasen, fráfarin kringvarpsstjóri. Og Armgarð Arge leggur vikuna á skák.   9e6368c3-db65-4514-a05e-bdb706b6467d 810510