fo-FO Kringvarp Føroya https://kvf.fo/sjon/sending/heim false Í "Heim, kæra heim" eru vit kring landið og vitja inni í húsum, sum á ymiskan hátt eru áhugaverd. Húseigararnir greiða frá eitt nú húsinum, innbúgvi, litum, og hví heimið bleiv júst soleiðis. Í "Heim, kæra heim" eru vit kring landið og vitja inni í húsum, sum á ymiskan hátt eru áhugaverd. Húseigararnir greiða frá eitt nú húsinum, innbúgvi, litum, og hví heimið bleiv júst soleiðis. All rights reserved. Kringvarp Føroya kt@kringvarp.fo Í "Heim, kæra heim" eru vit kring landið og vitja inni í húsum, sum á ymiskan hátt eru áhugaverd. Húseigararnir greiða frá eitt nú húsinum, innbúgvi, litum, og hví heimið bleiv júst soleiðis. 00:26:38 false Kringvarp Føroya Tue, 2 Dec 2025 11:13:00 GMT Á Leitisvegi á Glyvrum búgva Trygvi Joensen og Elsa Færø Joensen. Húsið var í 70unum eitt satt marglætishús, sum vinnulívsmaðurin Sofus Thomsen lat byggja. Og júst 70ara marglæti sæst framvegis í dag, tí í húsinum finna vit eitt nú vatnkranar úr gulli og ein svimjihyl. Í Bø hava Hanna Müller og maðurin umvælt eini gomul sethús til frítíðarhús. Húsið, sum er meir enn 150 ára gamal, er fjórða húsið, sum á sinni bleiv bygt í Bø. Her møtir nýmótans innbúgv aldargomlum lutum í hugnaligu húsunum, har familjan kann taka sær av løttum. ec00a789-bf46-4117-829f-5f7ccae305f0 810510 00:30:19 false Kringvarp Føroya Wed, 26 Nov 2025 15:28:00 GMT Tað tekur ta tíð, tað tekur. Soleiðis hevur Jan Rasmussen hugsað tey seinastu 7 árini, hann hevur umvælt heimið í Varðagøtu. Hetta er eitt hús, har sjálvt minstu smálutirnir hava týdning. Á Signabø búgva Eiler Fagraklett og Jan Terje Edmundson. Teir hava hvør sín stíl, tá tað snýr seg um innrætting, men hava megnað at samantvinna minimalismu og maksimalismu í hugnaliga og øðrvísi húsinum á Signabø. 06877022-1a4e-47d0-8970-c22c9672e697 810510 00:29:49 false Kringvarp Føroya Wed, 19 Nov 2025 14:51:00 GMT Tað er stórur fyrimunur at byggja hús og innrætta, tá tú ert í 60unum. Tað halda Jana Ejdesgaard Thomsen og Terji Jacobsen, sum hava sett búgv í nýmótans húsum í Liljugøtu í Havn. Í Klaksvík búgva Annika S. Biskupstø og Heri Schwartz í tí, sum upprunaliga var fyrsta eldsmiðjan í býnum. Nostalgi, endurnýtsla og hugni eyðkenna heimið í dag. 685658e1-18c7-456e-86eb-1458ecdde6cb 810510 00:29:15 false Kringvarp Føroya Fri, 7 Feb 2025 10:13:00 GMT Í Klaksvík vitja vit Fríðin Ziskason og Duritu á Heygum, sum búgva í arkitektteknaðum húsi í Víkunum. Ein skottryggjaður rútur, ljóðdoyvandi hurð og gullvesi er nakað av tí, sum vit finna í húsinum. Eisini síggja vit Maradona og Bon Jovi í áhugaverda heiminum.    Eisini vitja vit í spildurnýggjum frítíðarhúsi, sum liggur við Gróthúsvatn á Sandi. Tá Eydna Justinussen og maðurin leitaðu eftir frítíðarhúsi, høvdu tey tvey krøv. Staðsetingin skuldi vera avsíðis, og húsið skuldi rúma nógvum fólkum. Tá stóra grundøkið við Gróthúsvatn var til sølu í 2023, vóru tey als ikki í iva. Her hava tey bygt eini modernað frítíðarhús við alskyns hentleikum, sum familja og vinfólk kunu njóta.  8f469c2d-9a37-48e3-9db6-2812714abf98 810510 00:29:49 false Kringvarp Føroya Thu, 30 Jan 2025 19:25:00 GMT Í Finnlandi hava tey sauna, í Norra smáttur, í Danmark kolonihavar. Í Føroyum hava vit neyst – og tey skulu ikki bara falla í órøkt, men brúkast. Tað heldur Niclas Heri Jákupsson, sum í 2016 keypti Garðaneystið við Sjógv, sum hann umvældi og innrættaði sum summarhús. Fyri Niclas Hera er umvæling av neystum terapi.    Sandagerði í Havn er ein perla, og her býr Katrin Kallsberg. Húsini, sum eru arkitektteknað, blivu keypt í 2001. Fyri Katrina er hetta staðið, har hon og børnini veruliga kunnu slappa av og njóta lívið – í stóra húsinum, úti í áhugaverda urtagarðinum og í serstøku smáttuni, sum eisini er at finna á grundstykkinum.  3aa27235-fbb9-4251-b823-b3bb9bcc064a 810510 00:29:24 false Kringvarp Føroya Thu, 23 Jan 2025 14:04:00 GMT Í Miðvági búgva Tanja Lið og Allan Eiriksson í nýggju húsunum, ið tey sjálv hava teknað. Her er modernað við stórum alrúmi, nógvum vindeygum og einum biografi. - Tað ber til at fáa síni dreymahús, hóast tú hevur eitt búskett at halda. Tað snýr seg um raðfestingar, siga Tanja og Allan. Eisini vitja vit søguligu ognina í Gongini í Havn, Nólsoyarstovu, sum upprunaliga er frá seinast í 1700-talinum. Anna Maria og Hans Østerø keyptu í 2019 eyðkenda bygningin, sum av álvara var fallin í órøkt. Seinastu útvið fimm árini hevur parið heildarumvælt Nólsoyarstovu, soleiðis at bygningurin í dag hevur tríggjar serstakar og áhugaverdar íbúðir.  11a2aaee-fee8-44d1-b130-a6674ab1205d 810510 00:31:12 false Kringvarp Føroya Thu, 22 Feb 2024 19:00:00 GMT Fyri tveimum árum síðani fóru Marjun Vang og Heini Mohr Hermansen undir verkætlanina: Vit skulu byggja hús. Tilgongdin hevur verið drúgv, tí hvørgin teirra hevði royndir við húsabygging. Men tá er gott við góðum ráðum frá fólki á sosialum miðlum. Ljós og luft. Tað var kravið, tá Kollbrún Patursson bað arkeitektin Palla Gregoriussen, sála, tekna sær eini hús í Kirkjubø. Síðani 2011 hevur Kollbrún búð í vøkru húsunum, sum eitt tíðarskeið vóru høli hjá Michelin-matstovuni KOKS. Í Hvalba hava trýmenningarnir Guðrun Holm og Johan Holm Simonsen savnað saman alla familjusøguna í hugnaliga húsinum, sum verður brúkt av familjuni og sum mikrohotell. Húsið hevur nógv ymiskt áhugavert innbúgv, og eitt nú er alt bókasavnið hjá skaldinum Mikkjali á Ryggi at finna í húsinum. dae45792-eeea-47ab-8dcd-0f8f92131fd4 810510 00:26:40 false Kringvarp Føroya Thu, 15 Feb 2024 19:25:00 GMT Fleiri munnu kenna kensluna at ferðast sunnanfyri og koma inn á eitt lekkurt hotellkamar. Heibritt Jacobsen á Velbastað dámar so væl ta kensluna og ikki minst tann suðurlendska stílin, at bæði hús, litir og innbúgv bera brá av hesum. Á Norðoyri búgva Jórun Høgnesen og David Christiansen. Húsini eru upprunaliga frá 1932, men Jórunn og David hava fullkomiliga endurnýggja húsini, sum eru í tveimum hæddum – og hvør hæddin er bara 35 fermetrar til støddar. Í 13 ár hava Sigrun Danielsen og maðurin búð í arkitektteknaðu húsunum í Poul Juels gøtu í Havn. Fyri Sigruna er umráðandi, at húsið bæði kann brúkast til familjuhugna og avslapping, men so sanniliga eisini festligar veitslur við nógvum gestum. 3029624e-1f8b-47c0-af5e-3b92f5b69ff7 810510 00:30:09 false Kringvarp Føroya Thu, 8 Feb 2024 19:25:00 GMT Hvussu hevði verið, um tú og familjan skuldu búð í tveimum lonum frá ár umleið 1860? Nicolaj Falck hevur umvælt lonirnar, soleiðis at hann og konan, Aðalbjørg Linklett, í dag búgva í einum húsi, har endurnýtsla er í hásæti, og so at siga alt hevur eina søgu. Eisini vitja vit í Syðrugøtu arkitektin, Ósbjørn Jacobsen, sum hevur gjørt stórslignar bygningar so sum Hørpuna í Íslandi, Biskupstorg í Klaksvík og Býráðshúsið í Norðragøtu. Ósbjørn býr saman við familju síni í serstøku húsunum, sum eitt nú hava kanska Føroya bíligastu borðplátu, sum arkitekturin sjálvur hevur gjørt við hjálp frá Youtube.   Í Trøðum á Sandi hava Ingun Eiriksdóttir og Heini Weihe eini frítíðarhús. Upprunaliga var húsið, sum stóð á grundøkinum, frá umleið 1900, men tá Ingun og Heini keyptu húsið í 2013, byrjaði ein stór umvæling - størri enn ætlað. Úrslitið er, at tey í dag hava eini frítíðarhús, sum eru gjørd við íblástri frá gomlu roykstovuni. Her snýr tað seg um at vera saman og koma í feriuhýr. 758d13e9-28b5-41fe-8ea3-fa20ea41cc8e 810510 00:00:40 false Kringvarp Føroya Fri, 2 Feb 2024 10:25:00 GMT Í sendingini "Heim, kæra heim" eru vit kring landið og vitja inni í húsum, sum á ymiskan hátt eru áhugaverd. Húseigararnir vísa okkum runt og greiða eitt nú frá húsinum, innbúgvi, litum, og hví heimið bleiv júst soleiðis, sum tað er.    a0a2ad59-f681-48f1-9b64-e2b6ec2a36b1 810510