fo-FO Kringvarp Føroya https://kvf.fo/ljod/sending/vardar-leidini false Sendirøð um føroyskar plátur, sum eru vorðnar klassikarar.  Sendirøð um føroyskar plátur, sum eru vorðnar klassikarar.  All rights reserved. Kringvarp Føroya kt@kringvarp.fo Sendirøð um føroyskar plátur, sum eru vorðnar klassikarar.  00:54:56 false Kringvarp Føroya Tue, 3 Sep 2019 10:00:00 GMT Óli Poulsen og Jákup Marnar Anthoniussen eru høvuðsmenninir. Plátan var eitt nýbrot bæði tøkniliga og í stíli. Ljóðið hevur altjóða dám. Óli Poulsen skrivaði flest øll løgini og hevði flestu ljóðførini um hendi. Jákup Marnar Anthoniussen var høvuðssangari á útgávuni. Plátan var tikin upp í Bløndal-upptøkuhølunum í Keypmannahavn á sumri í 1987. Tosað varð við høvuðsmenninar og aðrar, ið meta um plátuna.   edb40945-aef9-4f84-9b36-00991d76aef2 810510 00:54:39 false Kringvarp Føroya Wed, 28 Aug 2019 16:00:00 GMT Tinganest er originalt og sermerkt. Eingin líkist teimum. Teir hava sín heilt eyðkenda ljóma. Teir íbirtu ein serligan vágasound, siga summi. Teir eru ikki úrmælingar at syngja ella spæla, men eru kortini ógvuliga tilvitaðir um sín serstaka stíl. Hugfloygdu tekstirnir vekja eisini ans. Fleiri av fólkakæru sangunum hjá bólkinum eru á tí fyrstu útgávuni, ið er til umrøðu í sendingini, eitt nú "Upp á tá", "Vágagellan" og "Minnist tú". Tríggir sørvingar mannaðu Tinganest, Jóan Jakku Guttesen, Magnus á Stongum og Eivin Simonsen. Teir siga søguna um bólkin og sangirnar á "Upp á tá". Og aðrir meta eisini um Tinganest og fyrstu útgávuna frá 1983.    12313af0-a346-42ea-ada4-0ddb6d04ad0e 810510 00:56:54 false Kringvarp Føroya Tue, 27 Aug 2019 15:07:00 GMT Niclas Johannesen skrivaði allan tónleikin til henda fyrsta føroyska pallsangleikin, sum studentaskúlanæmingar framførdu á vári í 1997. Fløgan við øllum tónleikinum kom sama ár. Í stíli er tónleikurin fjølbroyttur. Tey 19 løgini fevna um rokk, stillar balladur, kórsang, vals, gospel og rapp. Tónaskaldið greiðir frá sangunum, og aðrir meta um verkið. Suni Merkistein og Pauli Magnussen leggja til rættis. eb91ebd2-a833-4c12-9f08-1cb5ec84f4a0 810510 00:57:02 false Kringvarp Føroya Thu, 25 Jul 2019 16:00:00 GMT Frændur eru fólkaogn. Ung sum eldri duga teirra sangir. Teir góvu ungdóminum ein nýggjan føroyskan samleika í 80-unum. Eingin annar bólkur man hava havt fastatøkur á so stórum áhoyrarafjøldum á konsertum og stórum dansitiltøkum í Føroyum, sum teir. Plátan Frændur II, sum kom í 1986, staðfesti tann stóra fólksliga popularitetin hjá bólkinum. Á útgávuni eru fleiri perlur, eitt nú "Eros", "Føroyar" og "Hvítar flykrur". Steintór Rasmussen, Rani Nolsøe og Eyðun Nolsøe mannaðu bólkin. Teir siga frá sangunum og upptøkunum til plátuna. Óli Poulsen og Jóhannus á Rógvu Joensen, ið millum annað produseraðu tónleikin, greiða frá, og aðrir við teimum meta um verkið. e17208cf-8636-42a4-a082-7e56a7978468 810510 00:50:13 false Kringvarp Føroya Wed, 24 Jul 2019 16:00:00 GMT Í hesari sending um sonevndu Veðraplátuna, sum bólkurin Straight Ahead læt frá sær í 1978. Vit hitta limir í bólkinum og aðrar, ið siga sína hugsan um plátuna. Suni Merkistein og Pauli Magnussen leggja til rættis.   2d1bad40-aa3a-46f8-b6dc-c862a9a4e624 810510 00:53:17 false Kringvarp Føroya Tue, 23 Jul 2019 16:00:00 GMT Harkaliðið endurnýggjaði vísu- og kvæðatradisjónina í modernaðum fólkatónleiki. LP-plátan, sum bólkurin læt frá sær í 1971, stendur fyri seg í føroyskum tónleiki. Ikki øllum dámdi, at tey eksperimenteraðu við gomlum kvæða- og vísuløgum, men teirra tulkingar og framførslur hava eisini kveikt av nýggjum ansin millum ungfólk fyri tí forna føroyska sangskattinum. Annika Hoydal, Jógvan Telling Joensen, Jógvan Dahl og Kári Mouritsen mannaðu Harkaliðið. Tey greiða frá royndunum at gera hesa slóðbrótandi plátu í útisetaárum teirra í Keypmannahavn. Aðrir tónleikarar bera eisini fram sína hugsan um verkið. 089163ac-fd64-44cf-93d2-b698488da4a6 810510 00:53:55 false Kringvarp Føroya Mon, 22 Jul 2019 16:00:00 GMT Fyrsta sendingin er um LP-plátuna, ið Faroe Boys góvu út í 1967. Faroe Boys slóðaði fyri tí modernaða popptónleikinum í Føroyum. Í sendingini greiða Robert, Jógvan, Kári, Bjarni og Jógvan Sofus frá, og aðrir bera fram sína hugsan um hesa elstu føroysku popp LP-plátuna. Suni Merkistein og Pauli Magnussen leggja til rættis. 34310ca4-cd8c-4496-a7ec-d90232a58141 810510