fo-FO Kringvarp Føroya https://kvf.fo/ljod/sending/vindagid false Tíggju ymisk fólk eru vertir í Vindagnum, sum verður í tíggju partum. Verturin avger innihaldið, og sostatt er eisini talan um tíggju rættiliga ymsar sendingar.  Rúni Jákupsson er redaktørur. Tíggju ymisk fólk eru vertir í Vindagnum, sum verður í tíggju partum. Verturin avger innihaldið, og sostatt er eisini talan um tíggju rættiliga ymsar sendingar.  Rúni Jákupsson er redaktørur. All rights reserved. Kringvarp Føroya kt@kringvarp.fo Tíggju ymisk fólk eru vertir í Vindagnum, sum verður í tíggju partum. Verturin avger innihaldið, og sostatt er eisini talan um tíggju rættiliga ymsar sendingar.  Rúni Jákupsson er redaktørur. 00:51:24 false Kringvarp Føroya Wed, 21 Aug 2024 15:30:00 GMT Í Vindagnum hesa ferð er Urd Johannesen, mentanarsamskipari hjá Runavíkar kommunu. Urd hevur trý áhugamál, sum kanska ikki siga nógv um Urd, men kortini siga Urd nógv. At syngja, at skriva og at ganga í náttúruni. Tað eru trupult at lýsa dvøljurnar í einum, tí tað, tær geva, er so ymiskt. Men kanska hugtøkini kronos og kairos, ið gomlu grikkarnir brúktu, kortini kunnu nýtast. Kronos er tíðin, vit kunnu máta við klokkum og kalendarum. Og har vit ítøkiliga kunnu siga, hvussu leingi tað tekur, til sólin rísur og setir. Kairos er eitt annað slag av tíð. Hon snýr seg ikki um at telja minuttir, men um serligar løtur, ið fáa okkum at steðga á, tá heimurin stendur stillur, og vit fyllast við onkrum orðleysum kenslum. Í Vindagnum hugleiðir Urd Johannesen um náttúruna, ið ikki kann halda sína egnu verjurøðu, um kærar vinkonur, ið alt ov tíðliga fóru foldum frá, og um eina ommu, sum framvegis býr í huganum. f3863df4-f07e-44d7-9b0e-daf46d997448 810510 00:45:10 false Kringvarp Føroya Wed, 14 Aug 2024 15:30:00 GMT Í Vindagnum í dag er Marjun Syderbø Kjelnæs, rithøvundur. Um at hyggja at heiminum sum hann er, tora at seta torførar spurningar og at standa við sínar hugsanir. Fyrstu stuttsøguna til útgávu skrivaði Marjun Syderbø Kjelnæs í ár 2000, tá hon var 26 ára gomul. Frammanundan hevði hon skrivað okkurt, sum líktist yrkingum og prosapettum á lepar og kaffifiltur og kanska í onkra ljósareyða dagbók. Men spurningurin var, um tað kundi gerast meira enn tað. Kundi hon røkka onnur og kanska finna sína egnu rødd? Av ymsum orsøkum var trupult at finna dirvi at trína fram. Men tá var tað, at ein onnur rødd, ein ung rødd, ið ikki ræddist framtíðina, fór at ljóma. Eivør var tá 17 ár. Hon var miðvís, djørv og hevði ætlanir. Marjun goymdi greinina um Eivør, og kanska var tað hon, sum gjørdi, at Marjun í síðstu løtu læt stuttsøgu sína inn til kappingina, og so var hol komið á.   Tónleikur, sum Marjun Syderbø Kjelnæs hevur valt til sendingina:  Annika Hoydal - Tú minsta land  Lena – Good To Be Kind   Eivør, DR Big Band og DR Vokal Ensemble - Vøgguvísa, ein kópakona syngur   Eivør - Jarðartrá  6f722dc1-a7f9-4f82-9fbd-c042bb1b7d32 810510 00:43:13 false Kringvarp Føroya Wed, 7 Aug 2024 15:30:00 GMT Í Vindagnum hesa ferð er Sanna á Løgmansbø, forkvinna í Føroya Pedagogfelag. Sum smágenta var Sanna bæði still og smæðin. Hon minnist, at hon ofta fekk ilt í búkin, tá hon skuldi í skúla. Hon tordi illa at svara aftur ella verja seg, um onkur gjørdi ónáðir, og bleiv heilt illa við, um ein lærari skeldaði. Sanna heldur tó ikki, at nakar visti, at hon var so smæðin. Hon kláraði seg væl í skúlanum, las væl uppá fyri ikki at siga nakað býtt og royndi sum frægast at fjala, at hjartað titaði í bringuni og lógvanir vóru vátir. Í tannárunum gjørdi vánaliga sjálvsálitið, at hon helt seg aftur, og kom hon at siga nakað galið, kundi tað fylla øgiliga nógv í huganum í langa tíð. Hetta er søgan um, hvussu Sanna á Løgmansbø vann á smædninum og tók við einum ógvuliga sjónligum sessi, tá hon bleiv forkvinna í Føroya Pedagogfelag.   Tónleikur, sum Sanna hevur valt til sendingina:  Lena – "Good Girls"  Lena – "Nothing Wrong With You"  Lena – "Dream Chaser"  Lena – "Sail on Victoria" 501b9f81-da75-477f-953e-31d45b431f84 810510 00:48:22 false Kringvarp Føroya Wed, 31 Jul 2024 15:27:00 GMT Í Vindagnum hesa ferð er Andras Sólstein, tónleikari, lívsnjótari og leiðari á Norðoya fornminnissavni. Um lagnuløtur, tá havið mundi kravt lív, um løgnar upplivingar saman við ókunnufólki og um tað at gerast eldri og blíva abbi. Hann hevur valt at kalla partin "Søgur úr mínum lívi". Søgurnar eru persónligar upplivingar, har summar teirra enntá kundu endað lív hansara.  Sjógvurin hevur altíð havt eina atdráttarmegi, og hann hevur í fleiri umførum rætt sína køldu, vátu hond út eftir Andrasi. Eitt nú á sumri í 1967, tá grind var hildin til í Klaksvík. Andras, sum tá var fimm ár, og ein vinmaður fóru út á keiina at hyggja at hvalunum. Hetta var um døgurðatíð, og tí var einki fólk á staðnum ta løtuna. Teir gjørdu av at leypa upp í sandbátin Tim at hyggja í lastina har rovini vóru lossað. Tá teir skuldu í land aftur, gleið Andras í øllum blóðinum og fór niður ímillum. Til alla lukku var hann bjargaður av manni, sum tilvildarliga gjørdi eini ørindi har á leiðini. Í Vindagnum greiðir Andras Sólstein frá fleiri hendingum á sjónum, har tað kundi verið galin endi. Men hvørja ferð hevur verndareingilin verið har, er Andras sannførdur um.   4283f163-eec6-43e6-a4ff-2ce744a6fdb1 810510 00:49:29 false Kringvarp Føroya Wed, 24 Jul 2024 16:55:00 GMT - Minnist tú, tá tú ynskti tær tað, sum tú hevur nú? Soleiðis spyr Eydna Skaale, sum er gestur í Vindagnum í hesum fimta partinum av Vindagnum. Orðini printaði hon út í litfagrum stavum og hongdi tey á køliskápið. Sum eina dagliga áminning um alt, hon hevði at gleðast um og takka fyri.  Tvær vikur eftir at henda áminning var komin upp at hanga, mistu tey 12 ára gamla sonin, Benjamin.  Í Vindagnum tosar Eydna Skaale um sonin, sum ongantíð vann nakra medlaju, men kortini vann óteljandi hjørtu. Eisni verður hugleitt um raðfestingar, ið eru broyttar seinastu 20 árini. Nú spyr Eydna ikki longur, hvør meiningin við lívinum er. Tí svarið er at finna í smáum løtum. Ofta gerandisdagar, tá familjan er savnað við døgurðaborðið. Við sósasprutti eftir borðinum, barnafingrum á øllum flatum og rísi klebrandi undir øðrum sokkinum.  b61a1950-e370-4ed0-b181-cbdf97e54aeb 810510 00:52:24 false Kringvarp Føroya Fri, 12 Jul 2024 13:17:00 GMT Í fjórða partinum av Vindagnum er tað Bjørghild Djurhuus, heilsufrøðingur, sum gloppar Vindagið. Bjørghild hugleiðir eitt nú um kringlutu leiðina at røkka dreyminum at gerast sjúkrasystir, um hví børn, og ikki minst tannáringar, eru spennandi at arbeiða saman við og um ein brúdleypsdag har bæði sorg og gleði hittust.     Tónleikur, sum Bjørghild hevur valt til Vindagið: Hans Jacob Hjelm – Heimbygdin Vágur Jim Reeves – I Love You Because  Tvey av Kamarinum - Nánd  Charlie Pride – Before I Met You  Terji Vestergaard - Uttan teg beeb85ce-79b9-45fc-a613-5c40558082dd 810510 00:42:24 false Kringvarp Føroya Wed, 10 Jul 2024 14:59:00 GMT Vertur í Vindagnum hesa ferð er Rudolf Joensen, tónleikari, lærari og fyrrverandi gekkavertur.    Rudolf Joensen var føddur í 1953 og vaks upp í Klaksvík. Børnini vóru fyri tað mesta í sínum grannlagi og kendu als ikki tey, ið búðu aðrastaðni í býnum.  Um disiplin í fólkaskúlanum, at geva børnum ábyrgd, og hvussu tónleikur kann knýta fólk saman. f25ec31d-16b0-4210-a851-2a60f9a4df74 810510 00:46:51 false Kringvarp Føroya Wed, 3 Jul 2024 11:35:00 GMT Vertur í Vindagnum hesa ferð er Ingi Poulsen, tónleikari. Fólk flest kenna Inga Poulsen sum dámliga sangaran við teimum løttu og fangandi poppsangunum. Men hann er annað enn tað. Ingi Poulsen hevur í langa tíð drigist við tungar tankar, angist og hevur eisini fingið staðfest ADD.  Í sendingini hugleiðir Ingi Poulsen um ikki at dvølja ov leingi við tað, ið farið er, um munin á almenna og privata menniskjanum og um vantandi virðing fyri timburfakinum, sum hann altíð hevur havt ein serligan tokka til. c690b333-32bd-4c62-8377-50b2df92d28b 810510 00:50:54 false Kringvarp Føroya Wed, 26 Jun 2024 16:39:00 GMT Oddvør Johansen plagar at siga við ommubørnini, at hon vaks upp í gomlum døgum. Tey skilja ikki, at hon hevur kunnað verið til uttan at eiga eina eina modernaða fartelefon, ikki hava gingið í barnagarð, ikki duga at svimja og uttan at vita nakað um Minecraft. Oddvør Johansen er fyrsti gesturin í Vindagnum. 4279bbfc-b3de-4bb9-89a8-467b306a1d03 810510